სახანძრო უსაფრთხოების კომპანია „ელ+“ აცხადებს სტაჟირებას ქარხნის დირექტორის ასისტენტის პოზიციაზე

ცოტა რამ ჩვენი კომპანიის შესახებ:
კომპანია „ელ+“ სახანძრო და საინჟინრო სისტემების წამყვანი კომპანიაა საქართველოში, რომელიც ბაზარზე 2005 წლიდან ოპერირებს. საოჯახო ბიზნესის ღირებულებებზე დაფუძნებული გუნდი აერთიანებს პროფესიონალებს, რომლებიც 21 წელზე მეტია საქართველოში უსაფრთხოების უმაღლეს სტანდარტებს ნერგავენ. 2019 წლიდან ფუნქციონირებს საწარმო, რომელიც ევროპული CE სერტიფიცირების მქონე სახანძრო კარისა და ცეცხლმაქრის ერთადერთი მწარმოებელია ქვეყანაში. „ელ+“ აერთიანებს მაღალტექნოლოგიურ საინჟინრო გადაწყვეტილებებს, საერთაშორისო ბრენდების დისტრიბუციასა და ადგილობრივ წარმოებას, რაც მომხმარებელს შენობის ინჟინრული სისტემების სრულ სერვისს სთავაზობს.

სამუშაო ადგილი: ქ.თბილისი, ბერი გაბრიელ სალოსის #126
ანაზღაურება: 800-1000 ლარი (სამუშაო საათებისა და გრაფიკის შეთანხმების მიხედვით)
ხანგრძლივობა: 6 თვე (დასაქმების პერსპექტივით)
გრაფიკი: სრული ან ნახევარი განაკვეთი (შეთანხმებისამებრ, მოქნილი, სალექციო გრაფიკის გათვალისწინებით)
სამიზნე აუდიტორია: თავისუფალი უნივერსიტეტის სტუდენტები (უპირატესობა მიენიჭებათ ESM-ის ფაკულტეტის სტუდენტებს)
თქვენ იმუშავებთ უშუალოდ ქარხნის დირექტორთან

ძირითადი მოვალეობები იქნება:

• მიმდინარე პროექტებსა და სამუშაო პროცესებში აქტიური ჩართულობა;
• ქარხნის დირექტორის მიერ განსაზღვრული დავალებების შესრულება და კოორდინაცია;
• საწარმოო პროცესების მონიტორინგსა და კონტროლში დახმარება;
• სხვადასხვა საორგანიზაციო და ოპერაციული საკითხების მართვაში მხარდაჭერა.

რას გთავაზობთ ეს სტაჟირება?

• ეს არ არის დროებითი პოზიცია: ჩვენ ვეძებთ გუნდის მომავალ წევრს. 6-თვიანი სტაჟირების წარმატებით დასრულების შემდეგ, გვაქვს დიდი სურვილი და მზაობა, რომ საუკეთესო კადრი მუდმივ პოზიციაზე დავტოვოთ.
• რეალური გამოწვევები: თქვენ ჩაიხედავთ მსხვილი ბიზნესის შიდა სამზარეულოში, შეეჭიდებით რეალურ პრობლემებს და მიიღებთ მონაწილეობას კომპანიაში მიმდინარე ყველაზე მნიშვნელოვან პროცესებში.

ვის ვეძებთ (საკვალიფიკაციო მოთხოვნები):

• თავისუფალი უნივერსიტეტის მოტივირებულ სტუდენტებს, რომლების ორიენტირებულნი არიან განვითარებაზე.
• ტექნიკური უნარები: MS Excel-ისა და მსგავსი პროგრამების მაღალ დონეზე ცოდნა.
• სწავლის უნარი: ახალ ციფრულ პროგრამებთან და სისტემებთან მუშაობის სურვილი და მათში მარტივად გარკვევის უნარი.
• ენები: ინგლისური ენის თავისუფლად, მაღალ დონეზე ფლობა (წერითი და ზეპირი).

დამატებითი ინფორმაცია:
განვიხილავთ როგორც დამწყებ, ისე გამოცდილ კანდიდატებს. პოზიცია იძლევა შესაძლებლობას კანდიდატი ჩაერთოს მრავალფეროვან პროექტებში, მათ შორის ახალი საწარმოს განვითარების პროცესში, და მიიღოს პრაქტიკული გამოცდილება საწარმოო და ბიზნეს საქმიანობის სხვადასხვა მიმართულებით.

თუ მზად ხარ გახდე ჩვენი გუნდის წევრი გადადი ბმულზე, გაიგე მეტი და შეავსე განაცხადი: https://elplus.selfrecruit.ge/s/lgTrJ