ჯეო-ემ-ტექს აცხადებს ვაკანსიას პოზიციაზე: წარმოების აღრიცხვისა და ERP სისტემის ოპერატორი.

პოზიციის დასახელება: წარმოების აღრიცხვისა და ERP სისტემის ოპერატორი
კონკურსის ტიპი: კანდიდატთა შერჩევა წარმოდგენილი განცხადების, დოკუმენტაციისა და გასაუბრების საფუძველზე
ორგანიზაცია: შპს „ჯეო-ემ-ტექს“
სტრუქტურული ერთეული: წარმოების სამსახური (ERP აღრიცხვის მიმართულება)
განცხადების მიღების ბოლო ვადა: 05 დეკემბერი 2026 წ.
შრომის ანაზღაურება: შეთანხმებით, კანდიდატის კვალიფიკაციისა და პროფესიული გამოცდილების გათვალისწინებით.
ვაკანტური ადგილების რაოდენობა: 2
სამუშაო ადგილის მისამართი: ქ. თბილისი, ნაძალადევის რაიონი, ვ. ნინუას ქ. №3.
დასაქმების ტიპი: სრული განაკვეთი
სამუშაო დრო: კვირაში 5 სამუშაო დღე, ნორმირებული სამუშაო დრო – კვირაში 40 საათი.
გამოსაცდელი ვადა: 3 თვე.

პოზიციის მიზანი
საწარმოში მიმდინარე საწარმოო პროცესების სრული რაოდენობრივი აღრიცხვის უზრუნველყოფა ERP სისტემის საშუალებით, წარმოებისთვის ნედლეულისა და მასალების გაცემის, საწარმოო პროცესის სხვადასხვა ეტაპზე პროდუქციის მოძრაობის, დაუმთავრებელი წარმოებისა და მზა პროდუქციის გამოშვების შესახებ მონაცემების აღრიცხვისა და სისტემაში ასახვის გზით.
პოზიციის ძირითადი მიზანია საწარმოო პროცესებთან დაკავშირებული რაოდენობრივი ინფორმაციის დროული, ზუსტი და სრულყოფილი დამუშავება, მონაცემების სისტემატიზაცია, ERP სისტემაში ასახული ინფორმაციის სისწორისა და სისრულის კონტროლი და საწარმოო პროცესებისა და სასაქონლო-მატერიალური მარაგების რაოდენობრივი აღრიცხვის ინფორმაციული უზრუნველყოფა.

ძირითადი ფუნქციები და მოვალეობები

• ERP სისტემაში მუშაობა და წარმოების მონაცემების მართვა
• საწარმოო დავალებებისა და მათთან დაკავშირებული მონაცემების ERP სისტემაში ასახვა.
• წარმოებისთვის გაცემული ნედლეულისა და დამხმარე მასალების რაოდენობრივი მონაცემების სისტემაში შეტანა შესაბამისი დოკუმენტაციის საფუძველზე.
• საწარმოო პროცესის სხვადასხვა ეტაპზე შესრულებული სამუშაოს რაოდენობრივი მონაცემების მიღება, დამუშავება და სისტემაში ასახვა.
• დაუმთავრებელი წარმოებისა და საწარმოო პროცესში არსებული რაოდენობრივი ნაშთების აღრიცხვა ERP სისტემაში.
• წარმოებიდან მიღებული მზა პროდუქციის რაოდენობრივი მონაცემების სისტემაში ასახვა.
• ნედლეულის, მასალებისა და მზა პროდუქციის მოძრაობის შესახებ ინფორმაციის დამუშავება და სისტემატიზაცია.
• ERP სისტემაში ასახული მონაცემების სისწორის, სისრულისა და თანმიმდევრულობის შემოწმება.
• სისტემურ მონაცემებსა და შესაბამისი პასუხისმგებელი პირების მიერ მოწოდებულ დოკუმენტაციას შორის შეუსაბამობების გამოვლენა.
• ERP სისტემიდან რაოდენობრივი მონაცემებისა და პერიოდული ანგარიშების მომზადება.
• სისტემაში მონაცემების დროული განახლებისა და მოწესრიგების უზრუნველყოფა.

ანგარიშგება და სამუშაო პროცესში კოორდინაცია

• საწარმოო პროცესების რაოდენობრივი მაჩვენებლების შესახებ ყოველდღიური და პერიოდული ინფორმაციის მომზადება;
• ნედლეულის გაცემის, წარმოებაში არსებული დაუმთავრებელი პროდუქციის ნაშთების, გამოშვებული მზა პროდუქციისა და მარაგების მოძრაობის შესახებ ანგარიშების მომზადება;
• რაოდენობრივ აღრიცხვაში გამოვლენილი შეუსაბამობებისა და უზუსტობების შესახებ უშუალო ხელმძღვანელისთვის დროული ინფორმაციის მიწოდება;
• სამუშაო პროცესში კოორდინაცია საწყობის, წარმოების, ტექნოლოგიური სამსახურის, ხარისხის კონტროლისა და ბუღალტერიის შესაბამის თანამშრომლებთან;
• საწარმოში დანერგილი აღრიცხვის პროცედურებისა და ERP სისტემაში მუშაობის დადგენილი წესების დაცვა.

საკვალიფიკაციო მოთხოვნები:

• განათლება: საშუალო პროფესიული ან უმაღლესი.
• (სასურველია ეკონომიკის, ფინანსების, აღრიცხვის, ბიზნესის ადმინისტრირების, ლოჯისტიკის ან მომიჯნავე მიმართულებით).
• რიცხვებთან მუშაობის, მონაცემების დათვლის, შედარებისა და შეჯერების კარგი უნარი.
• დიდი მოცულობის ინფორმაციის დამუშავებისა და სისტემატიზაციის უნარი.
• დოკუმენტაციასთან მუშაობის უნარი.
• სასურველია წარმოების, სასაწყობო აღრიცხვის ან მარაგების კონტროლის მიმართულებით მუშაობის გამოცდილება.
• ERP ან სხვა სასაქონლო-მატერიალური მარაგების აღრიცხვის პროგრამაში მუშაობის გამოცდილება ჩაითვლება უპირატესობად.
• საწარმოო პროცესებისა და ნედლეულიდან მზა პროდუქციამდე პროდუქციის მოძრაობის აღრიცხვის პრინციპების ცოდნა ჩაითვლება უპირატესობად.
• ენების ცოდნა: ქართული ენა – ძალიან კარგი (ზეპირი და წერილობითი კომუნიკაცია)

პროფესიული გამოცდილება:

• სასურველია შესაბამის სფეროში არანაკლებ 1 წლის სამუშაო გამოცდილება.

კომპიუტერული პროგრამები, ოპერაციული სისტემები
პროგრამის დასახელება ცოდნის დონე:

• Microsoft Excel – ძალიან კარგი (მონაცემების დამუშავება, ფორმულები, ცხრილები და ანგარიშგება)
• Microsoft Word – კარგი

საჭირო უნარები და კომპეტენციები:

• მაღალი პასუხისმგებლობის გრძნობა;
• სიზუსტე და დეტალებზე ორიენტირებულობა;
• ორგანიზებულობა და სამუშაო დისციპლინა;
• ანალიტიკური და ლოგიკური აზროვნების უნარი;
• მონაცემებში შეცდომებისა და შეუსაბამობების გამოვლენის უნარი;
• ინფორმაციის დროულად დამუშავებისა და განაწილების უნარი;
• დამოუკიდებლად და გუნდურად მუშაობის უნარი;
• ეფექტური კომუნიკაციის უნარი;
• კონფიდენციალური ინფორმაციის დაცვისა და სამსახურებრივი ინფორმაციის სათანადოდ გამოყენების უნარი.

დამატებითი ინფორმაცია
თუ ფიქრობთ, რომ თქვენი გამოცდილებითა და უნარ-ჩვევებით აკმაყოფილებთ ზემოთ ჩამოთვლილ მოთხოვნებს, გთხოვთ გამოგვიგზავნოთ თქვენი რეზიუმე (CV) შედგენილი ქართულ ენაზე, შემდეგ ელექტრონულ მისამართზე: info@geomtex.com.

კანდიდატის მიერ წარმოდგენილ განაცხადსა და მასზე დართულ დოკუმენტში მითითებული პერსონალური მონაცემები კომპანიის მიერ გამოყენებულ იქნება მხოლოდ შერჩევის მიზნებისთვის, საკონკურსო პირობებთან კანდიდატის შესაბამისობის დასადგენად და მიღებული გადაწყვეტილების თაობაზე ინფორმირებისათვის.

გადაწყვეტილების მიღების ფორმა და ვადა
კომპანია კანდიდატთა შეფასების შედეგების საფუძველზე გადაწყვეტილებას იღებს განცხადებების მიღების ვადის დასრულებიდან არაუგვიანეს ერთი თვისა.
შპს „ჯეო-ემ-ტექსი“ უზრუნველყოფს კანდიდატთა შეფასებას თანაბარი მოპყრობისა და დისკრიმინაციის აკრძალვის პრინციპების დაცვით, სამუშაოსთან დაკავშირებული ობიექტური და წინასწარ განსაზღვრული კრიტერიუმების საფუძველზე.

შერჩევის ეტაპები

• წარმოდგენილი განცხადებებისა და რეზიუმეების პირველადი გადარჩევა;
• კანდიდატების საკვალიფიკაციო მოთხოვნებთან შესაბამისობის შეფასება;
• გასაუბრება.

ჩვენ გთავაზობთ:

• სტაბილურ და განვითარებაზე ორიენტირებულ სამუშაო გარემოს;
• პროფესიული და კარიერული განვითარების შესაძლებლობას;
• სამუშაო პროცესში საჭირო ცოდნისა და უნარების შეძენის შესაძლებლობას;
• ორგანიზებულ და გუნდურ სამუშაო გარემოს;
• ჯანმრთელობისა და უბედური შემთხვევის დაზღვევას.

პერსონალური მონაცემების დამუშავება და თანაბარი მოპყრობა
კანდიდატის მიერ წარმოდგენილი რეზიუმე (CV), განაცხადი და ვაკანსიის ფარგლებში მოწოდებული სხვა პერსონალური მონაცემები შპს „ჯეო-ემ-ტექსის“ მიერ დამუშავდება კანდიდატის შერჩევისა და დასაქმებასთან დაკავშირებული პროცესების განხორციელების მიზნით, საქართველოს მოქმედი კანონმდებლობის, მათ შორის, „პერსონალურ მონაცემთა დაცვის შესახებ“ საქართველოს კანონის შესაბამისად.
მონაცემები დამუშავდება მხოლოდ შესაბამისი სამართლებრივი საფუძვლის არსებობისას, განსაზღვრული მიზნისთვის აუცილებელი მოცულობით და აუცილებელი ვადით. კანდიდატს, როგორც მონაცემთა სუბიექტს, აქვს კანონით გათვალისწინებული უფლებები.
შპს ,,ჯეო-ემ-ტექს’’ი კანდიდატთა შერჩევის პროცესს ახორციელებს "დისკრიმინაციის ყველა ფორმით აღმოფხვრის შესახებ" საქართველოს კანონის მოთხოვნათა და პირთა მიმართ თანაბარი მოპყრობის პრინციპების დაცვით და გამორიცხავს პირთა მიმართ დისკრიმინაციას ნებისმიერი ნიშნით. ჩვენ ვგმობთ და ვემიჯნებით ნებისმიერი სახის დისკრიმინაციას და სექსუალურ შევიწროებას, როგორც წინასახელშეკრულებო (მათ შორის, ვაკანსიის შესახებ განცხადების გამოქვეყნებისას და შერჩევის ეტაპზე), ისე, შრომითი ურთიერთობის ფარგლებში.