ქიმიური მასალების მწარმოებელი კომპანია აცხადებს ვაკანსიას უფროსი ავტომატიზაციის ინჟინრის პოზიციაზე.

დეპარტამენტი: ინჟინერია / წარმოება / ტექნიკური სამსახური
მიზანი: ავტომატიზაციის უფროსი ინჟინერი პასუხისმგებელია საწარმოო ხაზების, მანქანა-დანადგარებისა და ტექნოლოგიური პროცესების ავტომატიზებული მართვის სისტემების (PLC, SCADA, HMI, DCS) პროექტირებაზე, პროგრამირებაზე, გამართვასა და მუშაობის ოპტიმიზაციაზე. უზრუნველყოფს საწარმოს უწყვეტ, უსაფრთხო და ეფექტურ ფუნქციონირებას, მონაწილეობს ინჟინრების პროფესიულ განვითარებაში.

ძირითადი მოვალეობები

• ავტომატიზაციის პროექტების დაგეგმვა, კოორდინაცია და ტექნიკური ხელმძღვანელობა.
• PLC, SCADA, HMI და DCS სისტემების დიზაინის, პროგრამირების და ექსპლუატაციის ზედამხედველობა.
• საწარმოში არსებული ყველა საზომი ხელსაწყოსა და სენსორის (ტემპერატურის, წნევის, ხარჯის, დონის, წონის და სხვ.) პერიოდული კალიბრაციის გრაფიკის შემუშავება და კონტროლი.
• ხელსაწყოების ჩვენებების გადამოწმება ეტალონურ (სამუშაო და პირველად) სტანდარტებთან და მათთვის შესაბამისი ცდომილების კოეფიციენტების განსაზღვრა.
• სისტემური კალიბრაცია : მთლიანი საზომი არხის კონტროლი — ფიზიკური სენსორიდან, სიგნალის გარდამქმნელების (Transmitters) გავლით, PLC-მდე და SCADA-ს ეკრანამდე მონაცემების სიზუსტის შემოწმება.
• პრევენციული მომსახურება: გაუმართავი ან დრიფტის (Drift - ჩვენების დროთა განმავლობაში შეცვლა) მქონე საზომი მოწყობილობების დროული იდენტიფიცირება და ჩანაცვლება.
• ავტომატიზაციის სისტემების არქიტექტურის შემუშავება და ოპტიმიზაცია.
• ტექნიკური გადაწყვეტილებების შეფასება და ინოვაციური ტექნოლოგიების დანერგვა.
• ახალი საწარმოო ხაზებისა და აღჭურვილობის ავტომატიზაციის პროექტებში მონაწილეობა.
• პროექტების ბიუჯეტის, ვადებისა და რესურსების მართვაში მონაწილეობა.
• ტექნიკური სტანდარტების, უსაფრთხოების მოთხოვნებისა და ნორმატიული რეგულაციების დაცვის უზრუნველყოფა.
• ტექნიკური დოკუმენტაციის, პროცედურებისა და ინსტრუქციების მომზადება და კონტროლი.
• ახალგაზრდა ინჟინრების მენტორობა, ცოდნის გაზიარება და პროფესიული განვითარების ხელშეწყობა.
• კონტრაქტორებთან, მომწოდებლებთან და სხვა დაინტერესებულ მხარეებთან ტექნიკური კომუნიკაციის წარმოება.

საკვალიფიკაციო მოთხოვნები

• უმაღლესი განათლება ავტომატიზაციის, ელექტროინჟინერიის, მექატრონიკის ან მონათესავე მიმართულებით.
• ავტომატიზაციის სფეროში მინიმუმ 5–8 წლიანი სამუშაო გამოცდილება.
• PLC, SCADA, HMI და სამრეწველო ქსელების (Modbus, Profibus, Profinet, Ethernet/IP და სხვა) ღრმა ცოდნა.
• სამრეწველო კალიბრატორებთან (მაგ. Fluke, Beamex, Druck და სხვ.) და მულტიმეტრებთან მუშაობის სიღრმისეული გამოცდილება
• პროექტების მართვისა და ტექნიკური ლიდერობის გამოცდილება.
• ინგლისური ენის კარგი ცოდნა (ტექნიკური დოკუმენტაციისა და კომუნიკაციისთვის).
• სასურველია საერთაშორისო სტანდარტების (IEC, ISA, ISO) ცოდნა.

აუცილებელი კომპეტენციები

• ლიდერული და მენეჯერული უნარები.
• ძლიერი ანალიტიკური და პრობლემების გადაჭრის უნარი.
• გადაწყვეტილებების დამოუკიდებლად მიღების უნარი.
• ეფექტური კომუნიკაცია და მოლაპარაკებების წარმოება.
• გუნდის მართვისა და მენტორობის გამოცდილება.
• სტრატეგიული და სისტემური აზროვნება.

პასუხისმგებლობის დონე

• ·ავტომატიზაციის სისტემების გამართულ მუშაობაზე პასუხისმგებლობა.
• პროექტების ტექნიკურ შედეგებსა და ხარისხზე პასუხისმგებლობა.
• ტექნიკური გუნდის საქმიანობის კოორდინაცია და კონტროლი.
• უსაფრთხოების მოთხოვნების დაცვის უზრუნველყოფა.

სასურველი დამატებითი კვალიფიკაცია

• PMP, PRINCE2 ან სხვა პროექტების მართვის სერტიფიკატი.
• Siemens, Schneider Electric, ABB, Honeywell ან სხვა წამყვანი ავტომატიზაციის პლატფორმების სერტიფიკაცია.

სამუშაო პირობები

• სრული განაკვეთი.
• სამუშაო ადგილი: თბილისში, საბურთალოს რაიონი.
• პროფესიული განვითარების და ტრენინგების შესაძლებლობა.
• კონკურენტული ანაზღაურება და სოციალური პაკეტი (კომპანიის პოლიტიკის შესაბამისად).

დაინტერესების შემთხვევაში, გთხოვთ გამოაგზავნოთ თქვენი რეზიუმე ელ ფოსტაზე: tamo787@yahoo.com და სათაურის ველში მიუთითეთ პოზიციის დასახელება " უფროსი ავტომატიზაციის ინჟინერი".

მოცემულ ვაკანსიაზე რეზიუმეს გამოგზავნით ადასტურებთ, რომ თქვენს მიერ კომპანიისათვის მიწოდებული ინფორმაცია არის უტყუარი. ასევე აცხადებთ თანხმობას თქვენი პერსონალური მონაცემების შენახვა/დამუშავებაზე, რეზიუმეს გამოგზავნიდან 1 წლის ვადით, კანონმდებლობით გათვალისწინებული წესით.