25 აპრ - 25 მაი
სტანდარტი
ბეტონის ქარხნის უმცროსი სპეციალისტი
თბილისი
- სრული განაკვეთი
- ბაკალავრი
- გამოცდილება აუცილებელია , გამოცდილება 1 წლიდან
ვაკანსიაზე გამოხმაურება
ელ. ფოსტა: vacancy@cement.ge
“ჰაიდელბერგცემენტი” საქართველოში 2006 წლიდან ოპერირებს და წამყვან ბრენდს წარმოადგენს ცემენტის და ბეტონის ადგილობრივ ბაზარზე. კომპანია ფლობს ცემენტის ქარხნებს კასპში (1) და რუსთავში (2), ასევე ცემენტის წისქვილს ფოთში და ცემენტის ტერმინალს სუფსაში. ჰაიდელელბერგცემენტი კლინკერის ერთადერთი მწარმოებელია საქართველოში. ბეტონის პირველი ქარხანა ქვეყანაში 2009 წელს ამოქმედდა. ამჟამად ჰაიდელბერგცემენტი ბეტონის 15 ქარხანას ითვლის.
შპს „ჰაიდელბერგცემენტ ჯორჯია“ აცხადებს ვაკანსიას ბეტონის ქარხნის უმცროსი სპეციალისტის პოზიციაზე ქ. თბილისში არსებული ბეტონის ქარხნის ლაბორატორიაში.
სამუშაო ადგილმდებარეობა: ქ. თბილის
სამუშაო გრაფიკი: სრული, კვირაში 40 საათი
ვაკანტური პოზიციების რაოდენობა: 2
ძირითადი ფუნქცია-მოვალეობები:
- სამშენებლო ობიექტებიდან ბეტონის სინჯების ტრანსპორტირება ქარხანაში და ანალიზების ჩატარება;
- სამშენებლო ობიექტებიდან ქვიშა-ღორღის სინჯების ტრანსპორტირება ქარხანაში და ანალიზების ჩატარება;
- ბეტონის ტესტირება საველე პირობებში;
- ბეტონის შემადგენლობის გაანგარიშება;
- ქარხანაში შემოსული სხვადასხვა ნედლეულის ფიზიკურ-მექანიკური პარამეტრების შემოწმება;
- კომპანიის სამუშაო ტერიტორიაზე არსებული და მოქმედი შრომის უსაფრთხოების წესებისა და რეგულაციების დაცვა.
საკვალიფიკაციო მოთხოვნები და უნარ-ჩვევები:
- უმაღლესი ან პროფესიული განათლება სამშენებლო სფეროში
- მსგავს პოზიციაზე მინიმუმ 1 წლიანი სამუშაო გამოცდილება;
- MS Office მუშაობის გამოცდილება
- პასუხისმგებლობის გრძნობა
- გუნდური მუშაობის უნარი
არსებული ბენეფიტები:
- საქმიანობის როგორც თეორიული, ასევე პრაქტიკული ნაწილის შესწავლა
- ტრენინგები სამუშაოს კვალიფიციურად შესასრულებლად
- ჯანმრთელობის კერძო დაზღვევა საუკეთესო პირობებით
დაინტერესების შემთხვევაში გთხოვთ მოგვაწოდოთ თქვენი რეზიუმე ელ.მისამართზე: vacancy@cement.ge (ასევე, შეგიძლიათ შეავსოთ და გამოგვიგზავნოთ თანდართული სააპლიკაციო ფორმა).
გთხოვთ, სათაურის ველში მიუთითეთ პოზიციის დასახელება - ლაბორატორიის უმცროსი სპეციალისტი (თბილისი)
გისურვებთ წარმატებას!
თქვენი პერსონალური მონაცემები, რომლებიც შპს "ჰაიდელბერგცემენტ ჯორჯია"-სთვის ხელმისაწვდომი გახდა გამოცხადებულ ვაკანსიაზე განაცხადების განხილვისას, შპს "ჰაიდელბერგცემენტ ჯორჯია"-ს მხრიდან დამუშავდება "პერსონალურ მონაცემთა დაცვის შესახებ" საქართველოს კანონის მოთხოვნათა შესაბამისად. თქვენს მიერ წარმოდგენილი პერსონალური მონაცემების დამუშავების ვადა განისაზღვრება 3 წლის ვადით.
კანდიდატის პერსონალური მონაცემები, უშუალოდ იმ ვაკანსიაზე განხილვის გარდა, რომელზეც გამოიგზავნა განაცხადი, შესაძლოა შენახული და გამოყენებული იქნას თქვენი კანდიდატურის სხვა პოზიციაზე განსახილველად. თუ თქვენ წინააღმდეგი ხართ, თქვენი კანდიდატურა განხილულ იქნას სხვა პოზიციაზე ან გსურთ შპს "ჰაიდელბერგცემენტ ჯორჯია"-მ შეწყვიტოს თქვენი პერსონალური მონაცემების დამუშავება, შეგიძლიათ დაგვიკავშირდეთ კომპანიის საკონტაქტო ნომერზე.
გაითვალისწინეთ, რომ კანდიდატის პერსონალური მონაცემების გამოგზავნით, თქვენ ადასტურებთ, რომ გაეცანით წინამდებარე შეტყობინებას და თანახმა ხართ, თქვენი პერსონალური მონაცემები დამუშავდეს ზემოაღნიშნული პირობების დაცვით.
შპს „ჰაიდელბერგცემენტ ჯორჯია“ კანდიდატთა შერჩევის პროცესს ახორციელებს „დისკრიმინაციის ყველა ფორმით აღმოფხვრის შესახებ“ საქართველოს კანონის მოთხოვნათა და პირთა მიმართ თანაბარი მოპყრობის პრინციპების დაცვით და გამორიცხავს პირთა მიმართ დისკრიმინაციას ნებისმიერი ნიშნით. ჩვენ ვგმობთ და ვემიჯნებით ნებისმიერი სახის დისკრიმინაციას და სექსუალურ შევიწროვებას, როგორც წინასახელშეკრულებო (მათ შორის, ვაკანსიის შესახებ განცხადების გამოქვეყნებისას და შერჩევის ეტაპზე), ისე, შრომითი ურთიერთობის ფარგლებში.
სამშენებლო, უძრავი ქონება
ქვა/ბეტონი
ნახვები 147
უნიკალური ნახვები 139