გათბობა-გაგრილების სისტემების კომპანია „ცელსიუსი“ საქართველოს სამომხმარებლო ბაზარზე წარმოდგენილია „Ariston“-ისა და სხვა წამყვანი ბრენდების პროდუქციით. კომპანია საქმიანობას ახორციელებს როგორც საცალო, ისე საბითუმო გაყიდვების მიმართულებით და წარმოდგენილია ბრენდირებული შოურუმებით თბილისში, ზუგდიდში, თელავში, ბათუმსა და ქუთაისში.
„ცელსიუსი“ აქტიურად თანამშრომლობს საქართველოში მოქმედ მსხვილ სავაჭრო ქსელებთან და სხვადასხვა პარტნიორ რეალიზატორებთან. კომპანია მომხმარებლებს ასევე სთავაზობს პროდუქციის ონლაინ შეძენისა და ოფიციალური საგარანტიო მომსახურების შესაძლებლობას.
ცელსიუსმა“ ქართულ ბაზარზე თავი დაიმკვიდრა მაღალი ხარისხის პროდუქციით, მომსახურების მაღალი სტანდარტითა და მომხმარებელზე ორიენტირებული მიდგომით, რაც მომხმარებლების ნდობისა და კმაყოფილების საფუძველს წარმოადგენს.

საკონტაქტო ინფორმაცია: celsiusi.ge / ტელეფონი: 032 2 05 29 30 / https://www.facebook.com/Celsiusi.GE

კომპანია „ცელსიუსი“ აცხადებს ვაკანსიას პოზიციაზე: საბითუმო გაყიდვების მენეჯერი

სამუშაო განაკვეთი: სრული განაკვეთი — ორშაბათი–პარასკევი, 10:00–18:00 სთ შაბათი, კვირა — დასვენება

სამუშაო ადგილი: ქ. თბილისი, აკაკი ბელიაშვილის ქუჩა #136

ანაზღაურება: ფიქსირებული - 1700,00 ლარი (net), დამატებით ბონუსი გეგმიდან

ფუნქცია-მოვალეობები:

• ახალი საბითუმო რეალიზატორების მოძიება და მოზიდვა, არსებული კლიენტების პორტფელის მართვა და გაყიდვების ზრდაზე მუშაობა;
• რეალიზატორებთან რეგულარული კომუნიკაცია, ვიზიტების დაგეგმვა და განხორციელება, მათი საჭიროებების იდენტიფიცირება და შესაბამისი შეთავაზებების მომზადება;
• კომერციული შეთავაზებებისა და პირობების წარდგენა, პარტნიორული ურთიერთობების განვითარება და გაყიდვების ზრდის შესაძლებლობების გამოვლენა;
• შეკვეთების მიღება და მიწოდების პროცესის კოორდინაცია შესაბამის გუნდებთან;
• რეალიზატორების ობიექტებზე პროდუქციის ასორტიმენტის, განთავსებისა და ექსპოზიციის მონიტორინგი და გაუმჯობესებაზე მუშაობა;
• პარტნიორებისთვის ახალი პროდუქტების, ფასების, აქციებისა და პროდუქციის ტექნიკური მახასიათებლების გაცნობა და საჭიროების შემთხვევაში მათი გადამზადება;
• პროდუქციის ნაშთების, sell-out-ისა და კონსიგნაციის პირობების მონიტორინგი;
• კლიენტების დავალიანების მონიტორინგი და შესაბამისი რეაგირება;
• ბაზრის ფასების, შეთავაზებებისა და აქტივობების მონიტორინგი და მიღებული ინფორმაციის გაზიარება;
• გაყიდვების, კლიენტების, ბაზრისა და სხვა საქმიანობის შესახებ ანგარიშგების წარმოება.

კომპეტენციები
განათლება: უმაღლესი განათლება

სამუშაო გამოცდილება:

• გათბობა-გაგრილების სფეროში მუშაობის 2 წლიანი სამუშაო გამოცდილება;
• საბითუმო გაყიდვების, დისტრიბუციის ან რეალიზატორებთან მუშაობის გამოცდილება;

პროფესიული უნარები:

• მოლაპარაკებების წარმოების, კომერციული პირობების შეთანხმებისა და კლიენტებთან საქმიანი ურთიერთობების მართვის უნარი;
• გაყიდვების, კლიენტთა პორტფელის, ბაზრისა და კონკურენტული გარემოს ანალიზის უნარი;
• პრობლემების დროული იდენტიფიცირების, შესაბამისი გადაწყვეტილების მიღებისა და შედეგზე ორიენტირებული მუშაობის უნარი
• სამუშაოს დამოუკიდებლად დაგეგმვის, პრიორიტეტების განსაზღვრის, ეფექტური კომუნიკაციისა და გუნდთან თანამშრომლობის უნარი.

დამატებითი მოთხოვნები და ტექნიკური უნარები:

• საოფისე პროგრამების მათ შორის MS Office-ისა და MS Excel-ის, საბაზისო/საშუალო დონეზე ცოდნა;
• 1C პროგრამაში მუშაობის გამოცდილება/ცოდნა;
• ქართული ენის გამართული ცოდნა, ინგლისური ან რუსული ენის ცოდნა ჩაითვლება უპირატესობად;
• B კატეგორიის მართვის მოწმობა;
• რეგიონში მივლინებების შესაძლებლობა.

ჩვენ გთავაზობთ:

• ჯანმრთელობის კორპორაციულ დაზღვევას;
• სწავლებისა და განვითარების შესაძლებლობას;

შერჩევის ეტაპები:

• CV გადარჩევა;
• ინდივიდუალური გასაუბრება;

CV-ს გამოგზავნის წესი: დაინტერესებულ კანდიდატებს გთხოვთ, გამოაგზავნოთ თქვენი CV ელექტრონული ფოსტის შემდეგ მისამართზე: g.botsvadze@celsiusi.ge

გთხოვთ სათაურის ველში აუცილებლად მიუთითოთ პოზიციის სახელწოდება - საბითუმო გაყიდვების მენეჯერი

განაცხადის მიღების ბოლო ვადაა: 15.10.2026

თქვენს მიერ გაგზავნილი CV "პერსონალურ მონაცემთა დაცვის შესახებ" საქართველოს კანონის შესაბამისად, შესაძლოა შეიცავდეს პერსონალურ მონაცემებს. გაცნობებთ, რომ თქვენი პერსონალური მონაცემები კომპანიის მხრიდან დამუშავდება თქვენთან სახელშეკრულებო, მათ შორის შრომითი ურთიერთობის დამყარების შესახებ გადაწყვეტილების მიღების მიზნებისათვის.
თქვენს მიერ გამოგზავნილი CV შესაძლოა არ იქნას განხილული მოცემულ ვაკანსიაზე, სავაკანსიო მოთხოვნებიდან გამომდინარე, ან დარეზერვდეს სხვა რელევანტური ვაკანსიისათვის. კომპანია ემიჯნება ნებისმიერი სახის დისკრიმინაციას როგორც ვაკანსიის შესახებ განცხადების გამოქვეყნების და შერჩევის ეტაპზე, ისე შრომითი ურთიერთობის ფარგლებში.