სს „ნიკორა ტრეიდი“ - საქართველოს საცალო ვაჭრობის ერთ-ერთი უმსხვილესი და ყველაზე სწრაფად მზარდი კომპანიაა. ჩვენ პირველებმა დავამკვიდრეთ სუპერმარკეტების ქსელის კულტურა საქართველოში და საფუძველი ჩავუყარეთ ქვეყნის რითეილ სექტორის განვითარებას.

წარმატების ისტორია 2000 წელს დაიწყო და დღეს ვაერთიანებთ ორი ბრენდის -„ნიკორა სუპერმარკეტის“ და „ლიბრეს“ 650-ზე მეტ სავაჭრო ფილიალს მთელი საქართველოს მასშტაბით. მომხმარებლების ყოველდღიურ ცხოვრებაში ვქმნით ხარისხზე, ხელმისაწვდომობასა და კომფორტზე დაფუძნებულ გამოცდილებას. მუდმივი ზრდა და ინოვაციები გვაძლევს საშუალებას, დავრჩეთ ლიდერ პოზიციაზე და განვავითაროთ თანამედროვე სავაჭრო სტანდარტები საქართველოს მასშტაბით.

სს „ნიკორა ტრეიდი“ დღეს 8500-ზე მეტ ადამიანს აერთიანებს, რაც კომპანიას საქართველოს ერთ-ერთ უმსხვილეს დამსაქმებლად აქცევს. ჩვენ გვჯერა, რომ წარმატებას ქმნიან ადამიანები და სწორედ ამიტომ, ჩვენთვის თითოეული თანამშრომელი კომპანიის ყველაზე დიდი ღირებულებაა.

შემოგვიერთდი „ნიკორა ტრეიდში“ - კომპანიაში, სადაც პატივისცემა, პასუხისმგებლობა, მომხმარებელზე ორიენტაცია, სტაბილურობა და გაუმჯობესებისკენ სწრაფვა ერთიანდება საერთო მიზნის მისაღწევად - გავაგრძელოთ პირველობის ისტორია.

სს "ნიკორა ტრეიდი" აცხადებს სტაჟირებას HR დეპარტამენტში.

ფუნქცია-მოვალეობები:

• სხვადასხვა საკომუნიკაციო და დასაქმების არხის გამოყენებით კანდიდატების მოძიებისა და მოზიდვის პროცესში მონაწილეობა;
• ვაკანტური პოზიციის სპეციფიკის შესაბამისად, კანდიდატების შერჩევის სხვადასხვა ეტაპის განხორციელებაში ჩართულობა;
• დასაქმების ფორუმებსა და მოზიდვის სხვა აქტივობებში მონაწილეობის მიღება;
• კანდიდატებთან დაკავშირებული ინფორმაციის დროული და ზუსტი ასახვა ბაზებში.

რას ველოდებით შენგან?

• ხარ სტუდენტი ან ახლახან დაასრულე სწავლა;
• გაინტერესებს HR სფერო და გსურს პროფესიული განვითარება;
• ხარ კომუნიკაბელური და პასუხისმგებლიანი;
• გაქვს სწავლისა და ახალი ინფორმაციის სწრაფად ათვისების სურვილი;
• შეგიძლია ეფექტურად იმუშაო როგორც დამოუკიდებლად, ისე გუნდთან ერთად.

სს „ნიკორა ტრეიდი“ ხელმძღვანელობს თანასწორი შესაძლებლობების, მრავალფეროვნებისა და ინკლუზიურობის პრინციპებით და ემიჯნება ნებისმიერი სახის დისკრიმინაციას, როგორც წინასახელშეკრულებო ეტაპზე, ასევე შრომითი ურთიერთობის მთელი პერიოდის განმავლობაში და უზრუნველყოფს თანაბარ შესაძლებლობებს ყველა კანდიდატისა თუ თანამშრომლისთვის