კომპანია „ჯი-თი გრუპ“-ი აცხადებს ვაკანსიას - საგარანტიო მენეჯერის პოზიციაზე გაყიდვების შემდგომი მომსახურების დეპარტამენტში მსუბუქი ავტომობილების მიმართულებით.

„ჯი-თი გრუპ“-ი ჰოლდინგური ტიპის მრავალპროფილიანი კომპანიაა, სხვადასხვა სახის სავაჭრო და მომსახურების ოპერაციებით. კომპანია ოფიციალურად წარმოადგენს წამყვან საერთაშორისო სატვირთო ავტომობილების, სასოფლო და სამეურნეო ტექნიკისა და საცხებ-საპოხი მასალების ბრენდებს: Ford Trucks, Iveco, New Holland, Isuzu, Castrol და სხვა.

სამუშაო ადგილი: თბილისი, დავით აღმაშენებლის ხეივანი # 216.
სამუშაო განაკვეთი: სრული, 10:00 სთ - 18:00 სთ-მდე.

საკვალიფიკაციო მოთხოვნები:

• უმაღლესი განათლება-სასურველია ტექნიკური მიმართულებით;
• მომწოდებლის საგარანტიო სტანდარტების ცოდნა;
• სერვისის ოპერაციების ცოდნა და გამოცდილება;
• პროდუქტის ცოდნა (რემონტი, ნაწილები, პროცესები და ა.შ.) და საერთო საავტომობილო საქმის ცოდნა;
• ინგლისური ენის ცოდნა - B2 დონე.

ძირითადი ფუნქცია-მოვალეობები:

• გაყიდული ავტომობილების საგარანტიო ხელწერილის, საგარანტიო რეგლამენტისა და მწარმოებლის მიერ მოთხოვნილი დოკუმენტაციის მომხმარებლისთვის გადაცემა, ასევე ხელმოწერილი დოკუმენტაციის აღრიცხვა და რეესტრის წარმოება;
• სერვისისა და მწარმოებლის პროგრამებში გაყიდული ავტომობილების საგარანტიო მონაცემების, დეტალებისა და საგარანტიო ვადების სრულყოფილად ასახვა და პერიოდული განახლება;
• სამუშაო ბარათის მიხედვით საგარანტიო მოთხოვნის მომზადება და მწარმოებელთან გაგზავნა;
• საგარანტიო ოთახში არსებული დეტალების აღრიცხვა, მარკირება, სორტირება და კონტროლი;
• მწარმოებლის მიერ განსაზღვრული შენახვის ვადის გასვლის შემდეგ საგარანტიო დეტალების უტილიზაციის პროცესის ორგანიზება და კონტროლი;
• მწარმოებლის მიერ ანაზღაურებული საგარანტიო მოთხოვნების საფუძველზე ინვოისების მომზადება, წარდგენა და ანაზღაურების პროცესის მონიტორინგი და კონტროლი;
• სერვის აქციების კონტროლი, ინფორმაციის გაზიარება ყველა შესაბამის პირთან. საჭირო დეტალების შეკვეთა ნაწილების მიმართულებასთან ერთად;
• ანაზღაურებული და უარყოფილი საგარანტიო მოთხოვნების შესახებ ყოველკვირეული რეპორტის მომზადება, ანალიზი და შესაბამისი პირებისთვის გაზიარება;
• საგარანტიო შემთხვევასთან დაკავშირებული სერვისის შეკვეთების სისწორის მონიტორინგი;
• სერვისის აქციების შესასრულებლად ნაწილების მარაგების განსაზღვრა, შესაბამისი VIN ნომრების იდენტიფიცირება და მომხმარებლების ინფორმირების პროცესში ჩართულობა;
• მწარმოებელი კომპანიის სერვისის და გარანტიის დეპარტამენტებთან მუდმივი კომუნიკაციის უზრუნველყოფა, საჭიროებიდან შემთხვევაში შეხვედრების ორგანიზება;
• მწარმოებელი კომპანიის მიერ გამოცხადებულ სერვის აქციების სისტემატიურად შემოწმება და სერვისის თანამშრომლებთან ერთად მათი შესრულების დაგეგმვა.

პიროვნული უნარები:

• მაღალი პასუხისმგებლობის გრძნობა და დეტალებზე ორიენტირებულობა;
• ანალიტიკური აზროვნება და პრობლემის გადაჭრის უნარი;
• მოლაპარაკებისა და ეფექტური კომუნიკაციის უნარი.