"wegroup"-ი არის თანამედროვე დინამიური საცალო ვაჭრობის ორგანიზაცია, რომელიც საქართველოში 15 წელია მოღვაწეობს სამკაულების და აქსესუარების სექტორში, მაღაზიების ქსელით MANDARINA და REDBERRY, ექსკლუზიურად წარმოადგენს საერთაშორისო ბრენდებს: SOKOLOV, Uneaerre, NOMINATION, Nature Bijoux, Ori Tao. კომპანია წარმოდგენილია 15 მაღაზიით თბილისში და ასევე, ონლაინ მაღაზიით - Myredberry.ge და Mandarina.ge
ჩვენი მისიაა მივაწოდოთ მაღალი ხარისხის პროდუქტები და მომსახურება ჩვენს მომხმარებლებს, ხოლო თანამშრომლებს შევუქმნათ განვითარებაზე ორიენტირებული გარემო. ჩვენ ვაფასებთ პასუხისმგებლობას, გუნდურ მუშაობას, სამართლიანობასა და ლოიალობას.
დამატებითი ინფორმაცია კომპანიის შესახებ: Wegroup.ge

„wegroup“ აცხადებს ვაკანსიას ოპერაციებისა და მომხმარებელთა კომუნიკაციის სპეციალისტის პოზიციაზე კომპანიის სათაო ოფისში:

სამუშაო დღეები: ორშაბათი - პარასკევი
სამუშაო საათები: 10:00 – 19:00
სამუშაო ადგილი: თბილისი, ნუცუბიძის ქუჩა.

სამუშაოს აღწერა:
ოპერაციებისა და მომხმარებელთა კომუნიკაციის სპეციალისტის მთავარი პასუხისმგებლობაა მომხმარებლებთან სწრაფი და პროფესიონალური კომუნიკაცია, ონლაინ შეკვეთების სრულყოფილი დამუშავება და შეკვეთის სრული ციკლის კონტროლი შეკვეთის მიღებიდან მომხმარებლისთვის ჩაბარებამდე.

ჩვენთან თანამშრომლობის უპირატესობები:

• კორპორატიული ჯანმრთელობის დაზღვევა;
• საზოგადოებრივი ტრანსპორტის სამგზავრო ბარათი;
• ფასდაკლება კომპანიის პროდუქციაზე;
• ანაზღაურებადი შვებულება 6 თვის შემდეგ.
• პროფესიული წინსვლის მკაფიო შესაძლებლობები;
• იდეების წახალისება/მხარდაჭერა;
• მხარდამჭერი გუნდი, რაც უზრუნველყოფს დაბალანსებულ სამუშაო გარემოს.

ფუნქცია და მოვალეობები:

• კომპანიის შემომავალ სატელეფონო ზარებზე პასუხის გაცემა;
• მომხმარებლებთან კომუნიკაცია კომპანიის სოციალურ და საკომუნიკაციო არხებში: Facebook, Instagram, Messenger, WhatsApp, ელფოსტა და სხვა არხები;
• მომხმარებლის შეკითხვებზე დროული, ზუსტი და კომპანიის მომსახურების სტანდარტების შესაბამისი პასუხების გაცემა;
• პროდუქციის, ფასების, მარაგების, გადახდის, მიწოდების, დაბრუნების, გაცვლისა და საგარანტიო პირობების შესახებ სრული ინფორმაციის მიწოდება;
• მომხმარებლის პრეტენზიებისა და პრობლემური შემთხვევების დაფიქსირება, პირველადი მართვა და საჭიროების შემთხვევაში პასუხისმგებელ პირთან გადამისამართება;
• მომხმარებელთა პერსონალური მონაცემების კონფიდენციალურობის დაცვა;
• ონლაინ შეკვეთების მართვა;
• ონლაინ მაღაზიაში შემოსული შეკვეთების ყოველდღიური შემოწმება და დამუშავება;
• შეკვეთის სრული ციკლის კონტროლი - მიღებიდან მომხმარებლისთვის ჩაბარებამდე;
• შეკვეთის დეტალების, მომხმარებლის საკონტაქტო ინფორმაციის, გადახდისა და მიწოდების მეთოდის გადამოწმება;
• საჭიროების შემთხვევაში მომხმარებელთან დაკავშირება შეკვეთის დასადასტურებლად ან ინფორმაციის დასაზუსტებლად;
• შეკვეთების სტატუსების დროული და ზუსტი განახლება;
• შეკვეთების კოორდინაცია მაღაზიებთან, საწყობთან, საკურიერო კომპანიებთან და შესაბამის შიდა გუნდებთან;
• დაგვიანებული, გაუქმებული ან პრობლემური შეკვეთების მონიტორინგი და დროული რეაგირება;
• დაბრუნების, გაცვლისა და საგარანტიო შემთხვევების პირველადი მართვა კომპანიის წესების შესაბამისად;
• დაკარგული გაყიდვების შემთხვევებისა და მათი მიზეზების დაფიქსირება - მარაგის არქონა, დაგვიანებული პასუხი, მიწოდების პრობლემა ან სხვა ფაქტორი;
• ახალი პროდუქციის ფოტოების ატვირთვა ონლაინ მაღაზიაში;

ძირითადი საკვალიფიკაციო მოთხოვნები და უნარ-ჩვევები:

• გამართული წერითი და ზეპირი ქართული ენის ცოდნა;
• მომხმარებელთან თავაზიანი, პროფესიონალური და შედეგზე ორიენტირებული კომუნიკაციის უნარი;
• სოციალური ქსელებისა და ონლაინ საკომუნიკაციო არხების გამოყენების გამოცდილება;
• დეტალებზე ორიენტირებულობა და ინფორმაციის სიზუსტის კონტროლის უნარი;
• პასუხისმგებლობის მაღალი გრძნობა, ორგანიზებულობა და პუნქტუალურობა;
• პრობლემურ და კონფლიქტურ სიტუაციებში მშვიდად და ეფექტურად მოქმედების უნარი;
• ონლაინ გაყიდვების, მომხმარებელთა მომსახურების, Retail-ის ან Jewellery სფეროში მუშაობის გამოცდილება ჩაითვლება უპირატესობად.

დაინტერესების შემთხვევაში, გთხოვთ გადმოხვიდეთ ლინკზე და გაგვიზიაროთ რეზიუმე: https://wegroup.selfrecruit.ge/s/ATRfD

დაკავშირება მოხდება მხოლოდ შერჩეულ კანდიდატებთან.

გისურვებთ წარმატებას!