სსიპ - ლ. სამხარაულის სახელობის სასამართლო ექსპერტიზის ეროვნული ბიურო აცხადებს ვაკანსიას საინფორმაციო ტექნოლოგიების და კომპიუტერული ექსპერტიზის დეპარტამენტის ტექნიკური მხარდაჭერის სპეციალისტის პოზიციაზე (შრომითი ხელშეკრულებით დასაქმებული პირი).

სსიპ “ლევან სამხარაულის სახელობის - სასამართლო ექსპერტიზის ეროვნული ბიურო” 2004 წლის 4 ნოემბერს ჩამოყალიბდა. ექსპერტიზის ბიურო წარმოადგენს სახელმწიფო საექსპერტო დაწესებულებას, საჯარო სამართლის იურიდიულ პირს და მისი საქმიანობა რეგულირდება საქართველოს მთავრობის შესაბამისი დადგენილებით დამტკიცებული დებულებით და სხვა ნორმატიული აქტების საფუძველზე.
ბიუროს მომსახურებით სარგებლობენ, როგორც სახელმწიფო და საბიუჯეტო ორგანიზაციები, ასევე კერძო სტრუქტურები, კომერციული და არაკომერციული დაწესებულებები და სხვა იურიდიული თუ ფიზიკური პირები.
ბიუროში მოქმედებს საექსპერტო მომსახურების ფიქსირებული გადასახადი, რომელიც დამტკიცებულია საქართველოს მთავრობის შესაბამისი დადგენილებით.

კატეგორია: ინფორმაციული ტექნოლოგიები (IT)
განცხადების ბოლო ვადა: 20.06.2026
თანამდებობრივი სარგო:: 2500 ლარიდან 3500 ლარამდე
ადგილების რაოდენობა: 1
სამსახურის ადგილმდებარეობა: თბილისი
სამუშაოს ტიპი: სრული განაკვეთი

ფუნქციები

• კომპიუტერების ტექნიკური გაუმართაობის დადგენა/დიაგნოსტიკა, აღმოფხვრა;
• კომპანიის თანამშრომლების კომპიუტერებზე ახალი პროგრამების დაყენება-ტესტირება;
• დაზიანებული ტექნიკის დიაგნოსტიკა და შეკეთება;
• პროფილაქტიკური სამუშაოების ჩატარება ორგანიზაციის მასშტაბით;
• ახალი სამუშაო მაგიდის კომპიუტერულ-ტექნიკური მოწყობა-ტესტირება;
• სხვადასხვა ქსელური ან/და სატელეფონო მოწყობილობების მომხმარებლის მხარეს გამართულად მუშაობის უზრუნველყოფა;
• სათვალთვალო კამერების გამართულად მუშაობის უზრუნველყოფა;
• მოსალოდნელი პრობლემების იდენტიფიკაცია, მათი პრევენცია და მოგვარება;
• პრობლემების იდენტიფიკაცია (ინციდენტის წარმოქმნის მიზეზი);
• ინფორმირება მომსახურების გაუმჯობესების საჭიროების შესახებ;
• ინციდენტებზე დროული და ეფექტური რეაგირება;
• პერსონალურ/პორტატულ კომპიუტერში პრობლემების დიაგნოსტიკა და მათი მოგვარება;
• ტექნიკური სახის დოკუმენტაციის მომზადება - კომპიუტერული და ციფრული ტექნიკის შეძენის მიზნით.
• გამოყენებაში არსებული ტექნიკური ინვენტარის აღწერა და მენეჯმენტი ორგანიზაციის მაშტაბით;
• პასიური ქსელის მოწყობა, გამართვა და მხარდაჭერა; უკაბელო წვდომის წერტილების კონფიგურაცია, მონტაჟი;
• როგორც უშუალო ხელმძღვანელის ასევე, დეპარტამენტის უფროსის სხვა დავალებების შესრულება.

მოთხოვნები

• მინიმალური განათლება: სრული ზოგადი განათლება
• სამუშაო გამოცდილება: 2 წელი

საკონკურსო თემატიკა

• საქართველოს კონსტიტუცია;
• „საჯარო სამართლის იურიდიული პირის - ლევან სამხარაულის სახელობის სასამართლო ექსპერტიზის ეროვნული ბიუროს შექმნის შესახებ“ საქართველოს კანონი; (https://www.expertiza.gov.ge/source/biuros-shesaxeb.pdf)
• საჯარო სამართლის იურიდიული პირის – ლევან სამხარაულის სახელობის სასამართლო ექსპერტიზის ეროვნული ბიუროს დებულების დამტკიცების შესახებ" საქართველოს მთავრობის 2010 წლის 20 აგვისტოს №255 დადგენილება. https://www.expertiza.gov.ge/source/biuros-debuleba.pdf
• სსიპ - ლევან სამხარაულის სახელობის სასამართლო ექსპერტიზის ეროვნული ბიუროს საინფორმაციო ტექნოლოგიების და კომპიუტერული ექსპერტიზის დეპარტამენტის დებულება.

საკონტაქტო ინფორმაცია
საკონკურსო კომისიის მისამართი: თბილისი, ჭავჭავაძის გამზ. N84
საკონტაქტო ტელეფონები: 2258484
საკონტაქტო პირი: თინათინ გრიგალაშვილი

დამატებითი მოთხოვნები

• IT სფეროში ტექნიკური მხარდაჭერის სპეციალისტად მუშაობის 2 წლიანი გამოცდილება;
• OS Microsoft Windows 7/8/8.1/10/11-ის სიღრმისეული ცოდნა;
• სკანერების და საბეჭდი სისტემების მხარდაჭერის ცოდნა;
• Domain Controller/Active Directory-სთან მუშაობის გამოცდილება;
• Microsoft ტექნოლოგიებთან მუშაობის გამოცდილება;
• შიდა ტელეფონიასთან (IP) მუშაობის გამოცდილება;
• ენების ცოდნა: ქართული, ინგლისური.
• სათვალთვალო/სამეთვალყურეო კამერებთან მუშაობის გამოცდილება, როგორც გარე ასევე შიდა გამოყენების;
• სავალდებულოა მართვის მოწმობის ქონა;
• სასურველია ინციდენტების მართვის პროგრამულ უზრუნველყოფაში მუშაობის გამოცდილება;
• პასუხისმგებლობის მაღალი გრძნობა;
• მომხმარებელზე ორიენტირებულობა;
• სტრესულ გარემოში მუშაობის უნარი;
• ანალიტიკური აზროვნება;

დამატებითი ინფორმაცია

• კონკურსში მონაწილეობის მიღების მსურველმა კანდიდატებმა განცხადების შევსების დროს „ჩემი რეზიუმე"-ს შესაბამის ველში უნდა ატვირთონ და გამოაგზავნონ შემდეგი დოკუმენტაცია:
• განათლებისა და კვალიფიკაციის დამადასტურებელი დოკუმენტის ასლი;
• მიუთითონ რეკომენდატორი;
• წარმოადგინონ სამოტივაციო წერილი;
• წარმოადგინონ სამუშაო გამოცდილების დამადასტურებელი დოკუმენტაცია ან შრომის წიგნაკი.

კონკურსი მოიცავს შერჩევის შემდეგ ეტაპებს:
1.განაცხადის ძირითად მოთხოვნებთან შესაბამისობის დადგენა;
2.კანდიდატის შეფასება მოხდება გასაუბრებით, შემდგომ ჩატარდება ტესტირება.
კონკურსის შედეგების, ასევე ჩატარების ზუსტი ადგილის, თარიღისა და დროის შესახებ კანდიდატებს ეცნობებათ დამატებით.
სსიპ “ლევან სამხარაულის სახელობის - სასამართლო ექსპერტიზის ეროვნული ბიუროს საქმიანობისა და სტრუქტურის შესახებ დამატებითი ინფორმაციისთვის ეწვიეთ ვებ გვერდს http://www.expertiza.gov.ge/.

გადაწყვეტილების მიღების ფორმა და ვადა
გადაწყვეტილებას იღებს კომისია ქულათა სისტემით, კანონმდებლობით დადგენილი წესის შესაბამისად, განცხადების წარდგენის ვადის დასრულებიდან არაუგვიანეს 3 თვის ვადაში.