შემდეგი
დღეს - 07 ივნ
ფსიქოლოგი
ქუთაისი
ხონის მუნიციპალიტეტი, ხონი
ზესტაფონის მუნიციპალიტეტი, ზესტაფონი
ვაკანსიაზე გამოხმაურება
ელ. ფოსტა: hr@sos-kd.ge
ინფორმაცია ვაკანტური პოზიციის შესახებ:
- სპეციალობა / სპეციალიზაცია: არასამთავრობო (NGO)
ბავშვთა კეთილდღეობა და განვითარება, ფსიქიკური ჯანმრთელობის მხარდაჭერა და ადვოკატირება სამედიცინო ფსიქოლოგია - ინდუსტრია / სფერო: არაკომერციული
სამოქალაქო და სოციალური ორგანიზაცია - გამოცდილების დონე / რგოლი: საშუალო რგოლი
- განაკვეთი: სრული განაკვეთი
- დასაქმების ფორმა: ვადიანი კონტრაქტი
- სამუშაოს ადგილმდებარეობა: ოფისიდან/სამუშაო ადგილიდან
დამსაქმებლის მოთხოვნები:
- გამოცდილება აუცილებელია:
- სპეციალობა / სპეციალიზაცია(აუცილებელი):არასამთავრობო (NGO)
ბავშვთა კეთილდღეობა და განვითარება, ფსიქიკური ჯანმრთელობის მხარდაჭერა და ადვოკატირება სამედიცინოფსიქოლოგია - ინდუსტრია / სფერო(აუცილებელი):არაკომერციული
სამოქალაქო და სოციალური ორგანიზაცია - მინიმალური განათლების დონე: ბაკალავრი
- საგანმანათლებლო პროგრამები: გამოყენებითი სოციალური ფსიქოლოგია, ბავშვთა და მოზარდთა ფსიქოლოგიური შეფასება და კონსულტირება, კლინიკური ფსიქოლოგია
- ენები: ქართული
ასოციაცია „საქართველოს SOS ბავშვთა სოფელი" ქუთაისის მცირე საოჯახო სახლების პროექტის ფარგლებში, აცხადებს ფსიქოლოგის ვაკანსიას:
სამუშაო ადგილი: ქუთაისი, ხონი, ზესტაფონი
სამუშაო დატვირთვა: სრული განაკვეთი
ძირითადი ფუნქციები და მოვალებები:
- ბენეფიციარების ფსიქოლოგიური საჭიროებების გამოკვეთა და შესაბამისი ღონისძიებების დაგეგმვა;
- ფსიქოლოგიური საჭიროებების მიხედვით, თითოეული ბენეფიციარის ინდივიდუალური მომსახურების გეგმაში შესაბამისი ღონისძიებების ასახვა და შესრულების მონიტორინგი;
- აღმზრდელების მხარდაჭერა ინდივიდუალური მომსახურების გეგმების შედგენისა და განხორციელების პროცესში;
- საჭიროების მიხედვით, ბენეფიციარ ბავშვებთან ინდივიდუალური და ჯგუფური შეხვედრების ორგანიზება;
- ხატვის, მუსიკისა და თამაშის თერაპიის საშუალებით, ბავშვებში ისეთი უნარ-ჩვევების განვითარება, რომელიც ესაჭიროება ბენეფიციარებს მათი სრულფასოვანი ფსიქო-სოციალური ფუნქციონირებისათვის;
- აღმზრდელებთან ინდივიდუალური და ჯგუფური შეხვედრების ჩატარება (განსაკუთრებულად რთული შემთხვევების გამოკვეთისას, უზრუნველყოს კომპეტენტურ ფსიქო-თერაპევტთან გადამისამართება);
- აღმზრდელებთან ერთად შემთხვევების განხილვა;
- სხვადასხვა ღონისძიების (შემეცნებითი და გასართობი) დაგეგმვა და ორგანიზება, ბენეფიციარების აქტიური ჩართულობით, რომელშიც ბავშვთან ერთად შეძლებისდაგვარად აქტიურ მონაწილეობას მიიღებენ ბავშვის ბიოლოგიური ოჯახის წევრები;
- ბენეფიციარების ფორმალური და არაფორმალური განათლების მიღებაში ხელის შეწყობა;
- შესრულებული სამუშაოს შესახებ ანგარიშების მომზადება და ხელმძღვანელისთვის მიწოდება მოთხოვნილი წესითა და სიხშირით.
მოთხოვნები:
- უმაღლესი განათლება ფსიქოლოგის კვალიფიკაციით
- ბავშვებთან და ოჯახებთან ფსიქოლოგად მუშაობის გამოცდილება
- წერითი უნარ-ჩვევები
- ბენეფიციარის ინტერესებისა და შესაძლებლობების გამოვლენისა და მხარდაჭერის უნარი
- ბენეფიციარების თანადგომისა და ემპათიის უნარი
- ეფექტური კომუნიკაცია, ნდობის მოპოვებისა და ურთიერთობის დამყარების უნარი
- მოქნილობა და დამოუკიდებლობა
- მიმღებლობა განსხვავებული აზრისა და სიახლეების მიმართ
- თვითკონტროლი და სიმშვიდის შენარჩუნება რთულ და სტრესულ სიტუაციებში
- დაგეგმვისა და ორგანიზების უნარი
- გუნდური მუშაობის უნარი
- SOS ბავშვთა სოფლის ხედვისა და მიზნების გაზიარება
ჩვენ გთავაზობთ:
- მნიშვნელოვანი მისიის "სიყვარულით სავსე ოჯახი ყველა ბავშვს" განხორციელებაში მხარდაჭერის შესაძლებლობას;
- მსოფლიოს მასშტაბით ერთ-ერთ უმსხვილეს საერთაშორისო არასამთავრობო ორგანიზაციაში მუშაობის შესაძლებლობას;
- კეთილგანწყობილ სამუშაო გარემოს;
- პროფესიონალ გუნდთან მუშაობას;
- პროფესიული და პიროვნული განვითარების შესაძლებლობას.
დაინტერესების შემთხვევაში, გთხოვთ, გამოაგზავნოთ თქვენი სამოტივაციო წერილი და CV (რომელიც შეიცავს სამი რეკომენდატორი პირის საკონტაქტო ინფორმაციას) ელ-ფოსტაზე: hr@sos-kd.ge 2026 წლის 07 ივნისის ჩათვლით. გთხოვთ. სათუარში მიუთითოთ სასურველი თანამდებობა.
ასოციაცია "საქართველოს SOS ბავშვთა სოფელი" სოციალურ განვითარებაზე ორიენტირებული არასამთავრობო ორგანიზაციაა. 1989 წლიდან იგი აქტიურ საქმიანობას ეწევა ბავშვთა კეთილდღეობის სფეროში. შესაბამისად, სოციალურად დაუცველი ბავშვებისა და მათი ოჯახების საჭიროებების გათვალისწინებით, ქვეყნის მასშტაბით უზრუნველყოფს, როგორც ოჯახის დამხმარე, ისე ალტერნატიული მომსახურებების განვითარებას, რაც თავის მხრივ ხელს უწყობს ბავშვებისა და მათი მშობლების სოციალური ფუნქციონირების გაუმჯობესებას.
ასოციაცია "საქართველოს SOS ბავშვთა სოფელი" მოქმედებს "SOS Children's Villages International"-ის პოლიტიკის შესაბამისად, ვინაიდან ეს უკანასკნელი წარმოადგენს მის ქოლგა ორგანიზაციას, რომელსაც მსოფლიოს 134 ქვეყანაში ჰყავს ადგილობრივი წარმომადგენლობა ასოციაციების სახით. ორგანიზაციის მიზანია მიტოვების რისკის წინაშე მყოფ და მშობელთა მზრუნველობას მოკლებულ ბავშვთა უფლებების დაცვა, მათი სრულფასოვან პიროვნებებად ფორმირების ხელშეწყობისა და საზოგადოებაში ინტეგრაციის მიზნით.
დამატებითი ინფორმაციისთვის იხილეთ: http://www.sos-childrensvillages.ge
არასამთავრობო (NGO)
ბავშვთა კეთილდღეობა და განვითარება,
ფსიქიკური ჯანმრთელობის მხარდაჭერა და ადვოკატირება
სამედიცინო
ფსიქოლოგია
ნახვები
უნიკალური ნახვები