გამომცემლობა “პალიტრა L” აცხადებს ვაკანსიას მარკეტინგის მენეჯერის პოზიციაზე.

“პალიტრა L”-ში კარს შეაღებ ლიტერატურულ პროცესში.
ნახავ, რა გზას გადის წიგნი გამოცემიდან, მკითხველის ხელში აღმოჩენამდე. ამაში კი მონაწილეობას თავადაც მიიღებ!
გაიცნობ უამრავ საინტერესო ადამიანს ჩვენი კრეატიული გუნდისა და მეგობარი მწერლების, ილუსტრატორების თუ სხვა ადამიანთა სახით, რომლებიც ქართულ ლიტერატურულ სამყაროში თავიანთ სათქმელს ამბობენ.
ყოველდღიურად სულ უფრო მეტად იქნები ჩახედული მარკეტინგულ პროცესებში და გაიზრდება შენი ცოდნა ამ მიმართულებით.
რაც მთავარია, შეძლებ ისარგებლო “პალიტრა L”-ის უზარმაზარი ბიბლიოთეკით.
ძალიან მეგობრული გუნდი კი შენს მოლოდინშია!

ძირითადი ფუნქცია-მოვალეობები:

• მარკეტინგული სტრატეგიის დაგეგმვა და განხორციელება;
• გაყიდვების დეპარტამენტთან მჭიდრო კოორდინაცია;
• PR კამპანიების შექმნა და მართვა;
• პროექტებისა და გამოცემებისათვის სამიზნე აუდიტორიის განსაზღვრა და შესაბამისი მარკეტინგული არხების შერჩევა/გამოყენება;
• ახალი პროდუქტის/სერიული გამოცემების სრული მარკეტინგული ციკლის მართვა -კონცეფციის შექმნიდან კამპანიის განხორციელებამდე (დიზაინი, შეფუთვა და PR აქტივობები) გუნდთან ერთად.

საკვალიფიკაციო მოთხოვნები:

• უმაღლესი განათლება მარკეტინგის ან ბიზნეს ადმინისტრირების მიმართულებით;
• მინიმუმ 2 წლიანი გამოცდილება მარკეტინგის სფეროში;
• მარკეტინგის და გაყიდვების სისტემის თეორიული ცოდნა;
• სასურველია ინგლისური ენის ცოდნა;
• საოფისე პროგრამების ცოდნა;

პიროვნული მახასიათებლები:

• შედეგებზე ორიენტირებული და ორგანიზებული;
• კრეატიული აზროვნების უნარი;
• ძლიერი კომუნიკაციისა და პრეზენტაციის უნარი;
• გუნდური მუშაობის უნარი;
• პროექტების მართვის უნარი;

სამუშაო გრაფიკი: ორშაბათი - პარასკევი; 09:30-18:00
ანაზღაურება: ფიქსირებული;
ადგილმდებარეობა: იოსებიძის ქ.#49

განაცხადების მიღების ბოლო ვადაა 8 ივნისი.
დაინტერესებულ კანდიდატებს, გთხოვთ რეზიუმე გამოგვიგზავნოთ შემდეგ ელ. მისამართზე: vacancy@palitra.ge,

Subject-ში მიუთითეთ ვაკანსიის დასახელება, წინააღმდეგ შემთხვევაში თქვენი რეზიუმე არ განიხილება.
აღნიშნულ ვაკანსიაზე რეზიუმეს გამოგზავნით, ადასტურებთ, რომ თანახმა ხართ თქვენი პერსონალური მონაცემები კომპანიამ დაამუშავოს (შეაგროვოს, შეინახოს, დაამუშავოს, დააჯგუფოს, წაშალოს, გაანადგუროს) მონაცემთა დაცვის საერთაშორისო სტანდარტებისა და საქართველოს მოქმედი კანონმდებლობის შესაბამისად. კომპანიის მხრიდან თქვენი მონაცემების დამუშავების მიზანია დასაქმებისთვის საჭირო პროცედურების წარმართვა და კანდიდატის შესაბამისობის დადგენა არსებული ან/და სამომავლო ვაკანსიის მოთხოვნებთან. თუ ამჟამად გამოცხადებული ვაკანსიის მოთხოვნებს ვერ აკმაყოფილებთ, კომპანია თქვენს რეზიუმეს განიხილავს სამომავლო ვაკანსიის მოთხოვნებთან. შესაბამისად, თქვენი მონაცემები დასაქმების თაობაზე გადაწყვეტილების მიღების მიზნით შეინახება არაუმეტეს 6 თვის ვადით.
„პერსონალურ მონაცემთა დაცვის შესახებ“ საქართველოს კანონის შესაბამისად, თქვენი უფლებაა, მიიღოთ ინფორმაცია კომპანიის მხრიდან თქვენს შესახებ დამუშავებულ მონაცემთა თაობაზე, ასევე მოითხოვოთ მონაცემების გასწორება, განახლება, შევსება, მონაცემთა დამუშავების შეწყვეტა, დაბლოკვა, წაშლა ან/და განადგურება, რისთვისაც უნდა მოგვმართოთ შემდეგ ელ ფოსტაზე: vacancy@palitra.ge

გისურვებთ წარმატებას!