სამშენებლო-სარემონტო მასალების ჰიპერმარკეტების ქსელი "გორგია" აცხადებს ვაკანსიას კონტენტ კრეატორის პოზიციაზე, თბილისში.
კომპანია "გორგია" საერთაშორისო სავაჭრო ურთიერთობებს ახორციელებს 1998 წლიდან. "გორგია" პირველი ქართული კომპანიაა, რომელიც უკვე ევროკავშირში საცალო ვაჭრობით არის წარმოდგენილი. გორგია მომხმარებლებს 4 000-ზე მეტი დასახელების საერთაშორისო ბრენდს და 50 000-ზე მეტი დასახელების სამშენებლო-სარემონტო, საყოფაცხოვრებო პროდუქციას სთავაზობს.
დღესდღეობით კომპანია აერთიანებს 3000-მდე თანამშრომელს, კომპანიის მთავარი ღირებულებებია: მუდმივი განვითარება; წარმატების გაზიარება; ჩვენ არასოდეს ვამბობთ "არ" ან "ვერ", შეუძლებელი არაფერია.

კომპანიის მთავარი მიზანია ხარისხიანი პროდუქცია შესთავაზოს მომხმარებელს და კონკურენტული იყოს დაბალი ფასის შეთავაზებით. გორგია წარმოდგენილია 14 ფილიალით, როგორც საქართველოში ყველა დიდ ქალაქში, ასევე ევროკავშირის წევრ ქვეყანაში, კერძოდ ბულგარეთში. კომპანიას ჰყავს გამოცდილი და კვალიფიციური გუნდი, რომელიც უზრუნველყოფს შესყიდვებისა და გაყიდვების საერთაშორისო ტექნოლოგიების ცოდნის გაზიარებას.
კომპანიაში დაგხვდებათ სტაბილური, მუდმივ განვითარებაზე ორიენტირებული ინოვაციური და დინამიკური სამუშაო გარემო.

ჩვენ გთავაზობთ:

• პროფესიული და კარიერული განვითარების რეალურ შესაძლებლობას;
• ჯანმრთელობის დაზღვევის პაკეტს;
• თანამშრომლის ფასდაკლებას;
• კვებას;
• Fitpass-ით სარგებლობის შესაძლებლობას;
• პრაქტიკულ გამოცდილებას კონტენტის დაგეგმვის სტრატეგიაში;
• თავისუფალ და მეგობრულ სამუშაო გარემოს, სადაც შენი იდეები ყოველთვის ფასდება.

ძირითადი ფუნქცია-მოვალეობები:

• ვიდეო კონტენტის წარმოება: მოკლე ფორმატის ვიდეოების (TikTok, Reels, Shorts) დაგეგმვა, გადაღება და მონტაჟი;
• კამერასთან მუშაობის უნარი: ბრენდის სახელით ვიდეოებში მონაწილეობა, პროდუქტის/მომსახურების პრეზენტაცია და აუდიტორიასთან ინტერაქცია;
• კონტენტ სტრატეგიის შემუშავება: ყოველკვირეული და ყოველთვიური კონტენტ-კალენდრის შემუშავება და მართვა;
• ტრენდების ანალიზი: სოციალურ ქსელებში არსებული დინამიკის მუდმივი მონიტორინგი და აქტუალური ტრენდების ბრენდის კონტექსტში ადაპტირება;
• ვიდეო სცენარის მომზადება: ვიდეოებისთვის კრეატიული სცენარებისა და ე.წ. "Hooks" მომზადება.

საკვალიფიკაციო მოთხოვნები:

• კამერასთან მუშაობის გამოცდილება;
• ტექნიკური უნარები: ვიდეო მონტაჟის პროგრამებთან მუშაობის გამოცდილება (CapCut, InShot ან მსგავსი);
• პლატფორმების ცოდნა: TikTok, Facebook-ისა და Instagram-ის ალგორითმების, სპეციფიკის სიღრმისეული ცოდნა;
• კრეატიული აზროვნება.

პიროვნული თვისებები:

• კრეატიული აზროვნება;
• დეტალებზე ორიენტირებული;
• მაღალი პასუხისმგებლობის გრძნობა და ვადების (Deadlines) დაცვის უნარი;
• გუნდური მუშაობის უნარი.

დაინტერესებულ პირებს გთხოვთ გამოეხმაუროთ განცხადებას „ გამოხმაურება(სხვა ვებგვერდზე) “ ღილაკის საშუალებით.
გისურვებთ წარმატებებს!