შპს აკადემიკოს ო. ღუდუშაურის სახელობის ეროვნული სამედიცინო ცენტრი აცხადებს ვაკანსიას ექიმი-ლაბორანტის პოზიციაზე.
ლოკაცია: თბილისი
ანაზღაურება: შეთანხმებისამებრ (გამოცდილებისა და კვალიფიკაციის შესაბამისად)
სამუშაო გრაფიკი: 8 საათიანი სამუშაო დღე.
საჭიროების შემთხვევაში (კვლევების მოცულობიდან გამომდინარე) შესაძლებელია შაბათ-კვირას მუშაობა, თუმცა აღნიშნული დაკომპენსირდება სამუშაო დღეების ხარჯზე (შაბათ-კვირის ნაცვლად ორშაბათიდან-პარასკევის ჩათვლით).

პოზიციის მიზანი: ექიმი-ლაბორანტის მთავარი მიზანია ლაბორატორიული სექტორის გამართული ფუნქციონირების უზრუნველყოფა და მაღალი ხარისხის სამედიცინო მომსახურების მიწოდება.

ფუნქცია-მოვალეობები:

• ლაბორატორიული კვლევების შესრულება (აუცილებელია იმუნოლოგიის, ბიოქიმიის, სისხლის ჯგუფისა და რეზუსის განსაზღვრის მიმართულებების ცოდნა და პრაქტიკული გამოცდილება);
• იმუნოლოგიური კვლევების შემთხვევაში კვლევის სრული ციკლის შესრულება და შედეგების პროგრამაში რეგისტრაცია და შესაბამის მიმღებთან გადაგზავნა;
• ლაბორატორიაში სახარჯი, აპარატურის, მასალებისა და რეაგენტების მონიტორინგი;
• ლაბორატორიული აპარატურის მოვლისა და ექსპლუატაციის წესების დაცვა;
• თანამშრომლებისთვის პროფესიული ცოდნისა და უნარების გაზიარება;
• შიდა ლაბორატორიულ შეხვედრებში მონაწილეობა;
• სანიტარულ-ჰიგიენური და უსაფრთხოების ნორმების დაცვ;ა
• ხელმძღვანელობის მიერ განსაზღვრული სხვა დავალებების შესრულება;
• Sop-ების შექმნა.

საკვალიფიკაციო მოთხოვნები:

• უმაღლესი სამედიცინო განათლება;
• მოქმედი საექიმო ლიცენზია (ლაბორატორიული მედიცინის მიმართულებით).

სამუშაო გამოცდილება:

• მინიმუმ 1–2 წლიანი სამუშაო გამოცდილება კლინიკურ/სამედიცინო ლაბორატორიაში;
• გამოცდილება იმუნოლოგიური, ბიოქიმიური და ჰემატოლოგიური კვლევების შესრულებაში;
• სისხლის ჯგუფისა და რეზუსის განსაზღვრის პრაქტიკული გამოცდილება ჩაითვლება უპირატესობად.

პიროვნული უნარ-ჩვევები:

• მაღალი პასუხისმგებლობის გრძნობა და სიზუსტე;
• დროის მართვისა და პრიორიტეტების განსაზღვრის უნარი;
• გუნდური მუშაობის უნარი;
• კომუნიკაბელურობა და პროფესიული ეთიკის დაცვა;
• სტრესულ გარემოში ეფექტურად მუშაობის უნარი.

დამატებითი ინფორმაცია:
დაინტერესებულ კანდიდატებს გთხოვთ, გამოაგზავნოთ CV ელ.ფოსტაზე: HR@GUDUSHAURI.GE. სათაურის ველში მიუთითეთ: „ექიმი-ლაბორანტი“.
გთხოვთ გაითვალისწინოთ, რომ მხოლოდ შერჩეულ კანდიდატებს დავუკავშირდებით.
გაცნობებთ, რომ შ.პ.ს. „აკად. ო. ღუდუშაურის სახელობის ეროვნული სამედიცინო ცენტრის“ მიერ, თქვენი პერსონალური მონაცემები მუშავდება, მათ შორის, ხდება მათი შეგროვება, გადამოწმება და შენახვა თქვენი განაცხადის განხილვისა და კანდიდატთა შერჩევა/დასაქმებისთვის საჭირო პროცედურების წარმართვის მიზნით, „პერსონალურ მონაცემთა დაცვის შესახებ" საქართველოს კანონის მოთხოვნათა შესაბამისად.
თქვენი განაცხადი/CV და მასში მოცემული პერსონალური მონაცემები, კანონმდებლობით დადგენილი მოთხოვნებიდან გამომდინარე, ჩვენ მიერ შეინახება კონკურსის დასრულებიდან 1 წლის განმავლობაში.
მადლობას გიხდით დაინტერესებისთვის და გისურვებთ წარმატებას!