უძრავი ქონების დეველოპერული კომპანია ,,ჰოუმერი” (Homer) აცხადებს ვაკანსიას გრაფიკული დიზაინერის პოზიციაზე თბილისში.

კომპანიის შესახებ
Homer არის უძრავი ქონების დეველოპერული კომპანია, რომელიც საქართველოს ბაზარზე 2024 წელს გამოჩნდა.

კომპანიას წარმოადგენს სფეროს პროფესიონალებით დაკომპლექტებული გუნდი მრავალწლიანი გამოცდილებით.

Homer ქმნის მყუდრო, უსაფრთხო და ინოვაციურ საცხოვრებელ სივრცეებს, რომლის ყველა კომპონენტი შეუფერხებლად მუშაობს, სადაც ყველა დაპირება სრულდება და ყველა სიტყვა ძალაშია.

ძირითადი ფუნქცია - მოვალეობები:

• ციფრული პლატფორმებზე მარკეტინგული კომუნიკაციებისთვის საჭირო ვიზუალური ელემენტების კონცეპტუალიზაცია და დიზაინი, მათ შორის: სტატიკური ვიზუალები სოც. მედია პოსტებისთვის, ონლაინ ბანერები, ვიზუალები ვებგვერდისთვის, motion graphic დიზაინერისთვის მასალების შექმნა და კონტენტის ადაპტირება სხვადასხვა ფორმატში, პლატფორმისა და დანიშნულების შესაბამისად.
• ბეჭდური მასალების მომზადება: ბროშურები, კატალოგები, ბანერები, პოსტერები და ა.შ.
• არქიტექტორულ მასალებზე (ბინის / სართულის გეგმარების, კორპუსის ჭრილების, რენდერებისა და სხვა ვიზუალური მასალების...) მარკეტინგული საჭიროების მიხედვით, გრაფიკული დიზაინის შექმნა, ბრენდის სტილისა და ვიზუალური იდენტობის გათვალისწინებით.
• ელექტრონული პრეზენტაციების,ბროშურების, მოსაწვევების და ა.შ. დიზაინის შექმნა.
• კორპორაციული ბრენდირებული მასალების დიზაინის მომზადება.
• სასაჩუქრე ნაკრების კონცეფციის მოფიქრებაში მონაწილეობა და დიზაინის მომზადება.
• ოფისში ბრენდირებული სივრცეების, სარეკლამო სტენდის, მანიშნებლების დიზაინის კონცეფციის შემუშავება.
• გადატვირთული ინფორმაციის ვიზუალურად მიმზიდველი ხერხით გადმოცემა.
• გუნდის წევრებისგან მიღებული უკუკავშირის და ცვლილებების გათვალისწინება შექმნილი დიზაინის დასახვეწად.
• უშუალო მენეჯერის მიერ დავალებული სხვადასხვა ტიპის დიზაინერული სამუშაოს შესრულება.
• ყველა მასალაში შენარჩუნებული და გათვალისწინებული უნდა იყოს ბრენდის იდენტობა და ვიზუალური სტილი.

საკვალიფიკაციო მოთხოვნები და უნარ-ჩვევები:

• აღნიშნულ პოზიციაზე მუშაობის მინიმუმ 3 წლიანი გამოცდილება;
• Adobe Illustrator, Photoshop, InDesign პროგრამების ცოდნა;
• კრეატიული აზროვნება, ყურადღება დეტალების მიმართ და ვადების დაცვა.
• გუნდური მუშაობის უნარი, პასუხისმგებლობის მაღალი გრძნობა;

ანაზღაურება და ბენეფიტები

განსაზღვრული ფიქსირებული ყოველთვიური ანაზღაურება 2,000 – 3,000 ლარი (დამოკიდებულია კანდიდატის გამოცდილებასა და

კვალიფიკაციაზე)
ინდივიდუალური ჯანმრთელობის დაზღვევის პაკეტი.

სამუშაო განაკვეთი: სრული (ორშაბათი - პარასკევი, 10:00 -19:00 სთ)
სამუშაო ადგილი: თბილისი, ივ. ჯავახიშვილის მოედანი N1
გამოსაცდელი ვადა: 6 თვე

თუ თვლით, რომ ფლობთ ამ პოზიციის შესაბამის ცოდნასა და გამოცდილებას, გთხოვთ გაგვიზიარეთ თქვენი CV პორტფოლიოსთან

ერთად ელ.ფოსტაზე:

vacancy@homer.ge
გთხოვთ, სათაურში მიუთითეთ პოზიციის დასახელება “გრაფიკული დიზაინერი”.

(დაკავშირება მოხდება მხოლოდ შერჩეულ აპლიკანტებთან).

Homer-ი გისურვებთ წარმატებებს და მოუთმენლად გელით ჩვენ გუნდში!
შპს ჰოუმერ გრუპი, (ს/ნ: 402323115; იურიდიული მისამართი: საქართველო, თბილისი, ჩუღურეთის რაიონი, ჩხეიძის ქუჩა, N 3; ქალაქი თბილისი, მოედანი ივ. ჯავახიშვილი, N 1) მიერ გამოცხადებულ წინამდებარე ვაკანსიაზე გამოხმაურების შემთხვევაში, მათ შორის, თქვენი რეზიუმეს გამოგზავნით, თქვენ ეთანხმებით, რომ შპს ჰოუმერ გრუპი უფლებამოსილია, კანონმდებლობით დადგენილი წესით, მიზნით, მოცულობითა და ვადით დაამუშაოს თქვენი პერსონალური მონაცემები; აცხადებთ თანხმობას, თქვენი დასაქმების შესახებ უარყოფითი გადაწყვეტილების მიღების შემთხვევაში, შპს ჰოუმერ გრუპმა თქვენგან მიღებული ინფორმაცია, მათ შორის, პერსონალური მონაცემები, შეინახოს და დაამუშაოს მათი მიღებიდან 6 (ექვსი) თვის განმავლობაში, დასაქმების შემდგომი შემოთავაზების მიზნით. დასაქმების შესახებ უარყოფითი გადაწყვეტილების მიღების შემთხვევაში, შპს ჰოუმერ გრუპი შესაბამის ვადებში სრულად გაანადგურებს თქვენს რეზიუმეს და კომპანიაში არსებულ თქვენს პერსონალურ მონაცემებს.