დამსაქმებელი დაწესებულება შპს ,,ფსიქიკური ჯანმრთელობის და ნარკომანიის პრევენციის ცენტრი“ დაწესებულების მისამართი თბილისი, ქავთარაძის ჩიხი №2
თანამდებობის დასახელება: ექიმი-ნარკოლოგი

შესასრულებელი სამუშაოები:

• საექიმო საკონსულტაციო კომისიის (სსკ) გადაწყვეტილებით ჩანაცვლებითი თერაპიის პროგრამაში ჩასართავი პაციენტის კონსულტირება, პაციენტის მდგომარეობის შეფასება,ICD კოდებით დიაგნოზის დადგენა, პაციენტისთვის მკურნალობის გეგმის განსაზღვრა, დანიშნულების გაცემა, შესაბამისი სამედიცინო დოკუმენტაციის წარმოება დადგენილი წესით;
• პაციენტის მკურნალობის შეფასება, მუდმივი მონიტორინგი (განყოფილებაში ვიზიტისას, ბინაზე ყოფნისას წოლითი რეჟიმის პირობებში, ამავე ცენტრის და სხვა სომატული სტაციონარულ დაწესებულებაში მკურნალობისას), საჭიროების შემთხვევაში მკურნალობის კორექცია და ფსიქოსოციალური რეაბილიტაციის რეკომენდაცია;ჩამანაცვლებელი ნარკოტიკული საშუალებებით მკურნალობის გაიდლაინებისა და პროტოკოლების გაცნობა, მისი გამოყენება მკურნალობის პროცესში, მკურნალობისთვის ეფექტური და ადექვატური დოზირების შერჩევა;
• საპროცედუროში განყოფილების უფროსთან ერთად მედიკამენტის ექსპრეს-საკონტროლო ჩამოსხმის პროცედურის განხორციელება საჭიროების მიხედვით და
• გეგმიურად თვეში 1-ჯერ თვის ბოლო დღეს, უფროსი ექთნისა და საპროცედუროს ექთნის მონაწილეობით;
• სამედიცინო დოკუმენტაციის ნორმატიული აქტების მოთხოვნათა დაცვით დროული და კვალიფიციური წარმოება;
• პაციენტის ჯანმრთელობის მდგომარეობის შესახებ ცნობის (ფორმა N IV - 100/მომზადება და მოთხოვნის მიხედვით პაციენტზე, მის კანონიერ წარმომადგენელზე გაცემა;
• არსებული, სტუმრის სტატუსით და დროებითი პაციენტის მიგრაციის შემთხვევაში შესაბამისი დოკუმენტაციის მიღება, წარმოება და გადაცემა;
• მედიკამენტის პაციენტზე გაცემისას პაციენტის მხრიდან რეჟიმის დარღვევის შემთხვევაში დაუყოვნებელი რეაგირება;
• ურინოტესტირების განხორციელების ორგანიზება და მიღებული შედეგების გაანალიზება, შესაბამისი რეაგირება;
• საექიმო საკონსულტაციო კომისიის მუშაობაში მონაწილეობა;
• ტრენინგებში, სწავლებებში, სამუშაოს გაუმჯობესებისთვის, სიახლეების დანერგვისთვის საჭირო აქტივობებში მონაწილეობის მიღება;
• შინაგანაწესის, შრომის დისციპლინის, დამტკიცებული ინსტრუქციების, კანონით დადგენილი ნორმების განუხრელი დაცვა;
• მუშაობისას უსაფრთხოების სტანდარტებისა და წესების დაცვა;
• განყოფილების უფროსის მითითებების შესრულება.

პასუხისმგებლობა:

• "სამუშაო ადგილზე დროულ გამოცხადებაზე და სამუშაოს უნებართვოდ მიტოვებაზე;
• სამუშაოს არ შესრულებაზე დაან არაჯეროვან შესრულებაზე;
• პაციენტისთვის კვალიფიციური სამედიცინო მომსახურების ჩატარებაზე;
• პაციენტის სამედიცინო დოკუმენტაციის შესაბამისი ნორმატიული მოთხოვნების დაცვით წარმოებაზე;
• ცენტრის შინაგანაწესის, დამტკიცებული წესების და საქართველოს კანონმდებლობით გათავლისწინებული ნორმების დარღვევაზე;
• პერსონალური მონაცემების და კონფიდენციალური ინფორმაციის არასათანადო დაცვაზე და გაცემაზე; ეთიკური და დეონტოლოგიური საკითხების დარღვევაზე;

უფლებამოსილება:

• მოითხოვოს შესასრულებელი სამუშაოსთვის საჭირო ინფორმაცია;
• მოითხოვოს მის მიერ გაცემული დანიშნულების მიხედვით საპროცედუროს ექთნის მიერ მედიკამენტის გაცემა პაციენტზე დადგენილი წესით;
• ისარგებლოს კანონით გათვალისწინებული შრომითი უფლებებით;

საკვალიფიკაციო მოთხოვნები

• უმაღლესი სამედიცინო განათლება, უნდა ფლობდეს ექიმი-ნარკოლოგის დამოუკიდებელი საექიმო საქმიანობის სახელმწიფო სერტიფიკატს
• სასურველია მსგავს პოზიციაზე მუშაობის გამოცდილება
• სამუშაოზე მიღება მოხდება გასაუბრებით.

მისამართი: შპს ,,ფსიქიკური ჯანმრთელობის და ნარკომანიის პრევენციის ცენტრი“ ქ. თბილისი ქავთარაძის ჩიხი №2