AWARD წარმოადგენს ინფრასტრუქტურული და სამშენებლო პროექტების სფეროში მოქმედ კომპანიას. მიმდინარე და დაგეგმილი პროექტების ეფექტიანად განხორციელების მიზნით ვეძებთ კვალიფიციურ, პასუხისმგებლიან და განვითარებაზე ორიენტირებულ თანამშრომელს, რომელიც შემოუერთდება ჩვენს პროფესიონალურ გუნდს.

კომპანია აცხადებს ვაკანსიას ოპერაციული დირექტორის (COO) პოზიციაზე.

პოზიციის დასახელება: ოპერაციული დირექტორი (COO)
ორგანიზაცია: შპს ,,AWARD’’
მუდმივი სამუშაო ადგილი: თბილისი
სამუშაოს ტიპი: სრული განაკვეთი

ოპერაციული დირექტორი პასუხისმგებელი იქნება კომპანიის მიმდინარე სამშენებლო და ინფრასტრუქტურული პროექტების ოპერაციულ მართვაზე, სამუშაო პროცესების კოორდინაციაზე, პროექტების შესრულების ვადების, რესურსების, ხარისხისა და შედეგების კონტროლზე.

პოზიციის ძირითადი მიზანია კომპანიის მიმდინარე პროექტების სისტემური და ეფექტიანი მართვა, ობიექტებს შორის ადამიანური, ტექნიკური და მატერიალური რესურსების სწორად განაწილება, სამუშაოების გეგმის შესაბამისად შესრულების უზრუნველყოფა და საოპერაციო პრობლემების დროული გადაწყვეტა.

ძირითადი მოვალეობები

• კომპანიის მიმდინარე სამშენებლო და ინფრასტრუქტურული პროექტების ოპერაციული მართვა და კოორდინაცია;
• პროექტების ხელმძღვანელების, ობიექტის ინჟინრებისა და სამუშაოთა მწარმოებლების საქმიანობის კოორდინაცია და კონტროლი;
• თითოეული პროექტის სამუშაო გეგმის, პრიორიტეტებისა და ძირითადი მიზნების განსაზღვრა;
• სამუშაოების შესრულების გრაფიკების კონტროლი და ფაქტობრივი პროგრესის გეგმურ მაჩვენებლებთან შედარება;
• პროექტებზე არსებული ჩამორჩენების, შეფერხებებისა და საოპერაციო პრობლემების დროული იდენტიფიცირება;
• ჩამორჩენის აღმოსაფხვრელად შესაბამისი ღონისძიებების დაგეგმვა და შესრულების კონტროლი;
• რამდენიმე მიმდინარე პროექტს შორის რესურსების ეფექტიანად განაწილება;
• მუშახელის, სამშენებლო ტექნიკისა და მექანიზაციის საჭიროებების დაგეგმვა და კოორდინაცია;
• ქვეკონტრაქტორების სამუშაო პროცესების, ვადებისა და შედეგების კონტროლი;
• პროექტებისთვის საჭირო მასალებისა და რესურსების დროულად მიწოდების კოორდინაცია შესაბამის სამსახურებთან;
• ობიექტების ყოველდღიური საოპერაციო მდგომარეობის კონტროლი;
• პროექტების ხელმძღვანელებისგან სამუშაოების მიმდინარეობის შესახებ სისტემური ანგარიშგების მიღება და ანალიზი;
• პროექტების მიხედვით მოკლევადიანი და საშუალოვადიანი სამუშაო გეგმების შემუშავებისა და შესრულების კონტროლი;
• კრიტიკული სამუშაოებისა და პროექტის ვადებზე გავლენის მქონე საკითხების განსაკუთრებული კონტროლი;
• სამუშაო პროცესში წარმოქმნილი საოპერაციო პრობლემების დროული გადაწყვეტის ორგანიზება;
• პროექტის ფარგლებში სხვადასხვა სამსახურისა და პასუხისმგებელი პირის საქმიანობის კოორდინაცია;
• ტექნიკურ სამსახურთან პროექტის ცვლილებების, დამატებითი სამუშაოებისა და ტექნიკური საკითხების კოორდინაცია;
• ფინანსურ სამსახურთან პროექტების ბიუჯეტების, მიმდინარე დანახარჯებისა და ფულადი საჭიროებების კოორდინაცია;
• შესყიდვებისა და მომარაგების მიმართულებასთან მასალებისა და მომსახურებების საჭიროებების დაგეგმვა;
• კომპანიის საკუთრებაში არსებული და დაქირავებული ტექნიკის ეფექტიანი გამოყენების კონტროლი;
• პროექტების შესრულების პროცესში წარმოქმნილი საოპერაციო და ფინანსური რისკების იდენტიფიცირება;
• პროექტების პროდუქტიულობისა და რესურსების გამოყენების ეფექტიანობის კონტროლი;
• დამკვეთებთან, ქვეკონტრაქტორებთან, მომწოდებლებთან და პროექტში ჩართულ სხვა მხარეებთან საოპერაციო საკითხების კოორდინაცია;
• სამუშაო პროცესების გაუმჯობესებისა და ოპტიმიზაციის ღონისძიებების შემუშავება და დანერგვა;
• კომპანიის შიდა საოპერაციო პროცედურებისა და კონტროლის მექანიზმების განვითარება;
• მიმდინარე პროექტების საერთო მდგომარეობის, ძირითადი რისკებისა და მოსალოდნელი შედეგების პერიოდული ანალიზი;
• კომპანიის ოპერაციული საქმიანობის შესახებ შესაბამისი მენეჯერული ანგარიშგების მომზადება.

ოპერაციული დირექტორის პასუხისმგებლობის ძირითადი მიმართულებებია:
პროექტების შესრულება

• სამუშაოების გეგმის, ვადებისა და განსაზღვრული შედეგების შესაბამისად შესრულების უზრუნველყოფა.

რესურსების მართვა

• მუშახელის, ტექნიკის, მექანიზაციისა და სხვა საოპერაციო რესურსების ეფექტიანი განაწილება პროექტებს შორის.

ვადების კონტროლი

• სამუშაო გრაფიკების შესრულების მუდმივი კონტროლი და შესაძლო შეფერხებებზე წინასწარი რეაგირება.

პროექტების კოორდინაცია

• პროექტების ხელმძღვანელების, ტექნიკური სამსახურის, შესყიდვების, ფინანსური სამსახურისა და სხვა შესაბამისი მიმართულებების კოორდინაცია.

შედეგების კონტროლი

• თითოეული პროექტის ფაქტობრივი პროგრესის, პროდუქტიულობისა და საოპერაციო შედეგების სისტემური შეფასება.

რისკების მართვა

• პროექტების ვადებზე, ღირებულებასა და შესრულებაზე გავლენის მქონე პრობლემებისა და რისკების დროული გამოვლენა და შესაბამისი ღონისძიებების განხორციელება.

საკვალიფიკაციო მოთხოვნები

• უმაღლესი განათლება სამშენებლო/სამოქალაქო ინჟინერიის, მშენებლობის მენეჯმენტის, პროექტების მართვის ან შესაბამისი მიმართულებით;
• სამშენებლო ან ინფრასტრუქტურულ სფეროში მუშაობის მნიშვნელოვანი პრაქტიკული გამოცდილება;
• მენეჯერულ პოზიციაზე მუშაობისა და გუნდის მართვის გამოცდილება;
• რამდენიმე სამშენებლო პროექტის პარალელურად მართვის ან კოორდინაციის გამოცდილება;
• სამშენებლო პროცესებისა და სამუშაოთა წარმოების ტექნოლოგიის საფუძვლიანი ცოდნა;
• პროექტის სამუშაო გრაფიკების დაგეგმვისა და შესრულების კონტროლის გამოცდილება;
• ადამიანური, ტექნიკური და მატერიალური რესურსების დაგეგმვისა და მართვის გამოცდილება;
• ქვეკონტრაქტორებთან მუშაობისა და მათი შესრულების კონტროლის გამოცდილება;
• პროექტის ბიუჯეტის, დანახარჯებისა და ძირითადი ფინანსური მაჩვენებლების გაანალიზების უნარი;
• სამშენებლო პროექტებთან დაკავშირებული ტექნიკური დოკუმენტაციის გაგების უნარი;
• პროექტში არსებული პრობლემებისა და რისკების სწრაფად შეფასებისა და გადაწყვეტილების მიღების უნარი;
• ძლიერი ორგანიზაციული, მენეჯერული და ანალიტიკური უნარები;
• მაღალი პასუხისმგებლობის პირობებში დამოუკიდებლად გადაწყვეტილებების მიღების უნარი;
• ეფექტური მოლაპარაკებისა და საქმიანი კომუნიკაციის უნარი.

უპირატესობად ჩაითვლება

• მსხვილი სახელმწიფო და მუნიციპალური ინფრასტრუქტურული პროექტების მართვის გამოცდილება;
• გზების, ტერიტორიის კეთილმოწყობის, საინჟინრო ქსელების, ელექტრო ინფრასტრუქტურის, ჰიდროტექნიკური და სხვა კომპლექსური სამშენებლო პროექტების გამოცდილება;
• რამდენიმე ობიექტისა და პროექტის ერთდროულად მართვის გამოცდილება;
• პროექტების ბიუჯეტირებისა და Cost Control-ის მიმართულებით გამოცდილება;
• Primavera P6-ის, MS Project-ის ან პროექტების მართვის სხვა სისტემების ცოდნა;
• MS Excel-ის მაღალ დონეზე ცოდნა;
• ინგლისური ენის ცოდნა.

პროფესიული და მენეჯერული უნარები

• ლიდერობისა და გუნდის მართვის ძლიერი უნარი;
• სისტემური და ანალიტიკური აზროვნება;
• მაღალი ორგანიზებულობა და პასუხისმგებლობა;
• სწრაფი და დასაბუთებული გადაწყვეტილებების მიღების უნარი;
• პრიორიტეტების სწორად განსაზღვრის უნარი;
• რამდენიმე პროექტისა და პროცესის პარალელურად მართვის უნარი;
• პრობლემების წინასწარ იდენტიფიცირებისა და პრევენციული მოქმედების უნარი;
• მაღალი დატვირთვის პირობებში ეფექტიანად მუშაობის უნარი;
• მოთხოვნებისა და პასუხისმგებლობების მკაფიოდ განსაზღვრის უნარი;
• შესრულების სისტემური კონტროლის უნარი;
• მოლაპარაკებების წარმოებისა და რთული საოპერაციო საკითხების გადაწყვეტის უნარი;
• შედეგზე ორიენტირებულობა.

პოზიციის ძირითადი შედეგობრივი მაჩვენებლები

• პროექტების სამუშაო გრაფიკების შესრულება;
• პროექტების შეთანხმებულ ვადებში დასრულება;
• დაგეგმილი და ფაქტობრივი შესრულების შესაბამისობა;
• ადამიანური და ტექნიკური რესურსების ეფექტიანი გამოყენება;
• ობიექტებზე სამუშაო პროცესის უწყვეტობის უზრუნველყოფა;
• საოპერაციო პრობლემებსა და შეფერხებებზე დროული რეაგირება;
• პროექტების ხელმძღვანელებისა და ობიექტების საქმიანობის ეფექტიანი კოორდინაცია;
• ქვეკონტრაქტორების მიერ აღებული ვალდებულებების დროული შესრულება;
• პროექტების საოპერაციო ეფექტიანობის გაუმჯობესება.

თუ თვლით, რომ თქვენი მონაცემები აკმაყოფილებს ზემოთ ჩამოთვლილ მოთხოვნებს, გთხოვთ, გამოაგზავნოთ თქვენი CV და მოთხოვნილი დოკუმენტაცია შემდეგ ელექტრონულ მისამართზე: Hr@award.ge ( ელ. ფოსტის სათაურში მიუთითეთ: ოპერაციული დირექტორი)

შენიშვნა: არ გამოგრჩეთ სათაურის ველში ვაკანსიის დასახელების მითითება. დავუკავშირდებით მხოლოდ შერჩეულ კანდიდატებს.

განცხადების მიღების ბოლო ვადაა 18/09/2026.

გისურვებთ წარმატებას!