სს „გლობალმედის საუნივერსიტეტო კლინიკა აცხადებს ვაკანსიას აფთიაქისა და შესყიდვების მართვის მენეჯერის პოზიციაზე.

"გლობალმედის საუნივერსიტეტო კლინიკა" წარმოადგენს ინოვაციურ, მრავალპროფილურ სამედიცინო დაწესებულებას, რომელიც მოწინავე პოზიციას იკავებს ქართულ ჯანდაცვის სფეროში. კლინიკა აერთიანებს მაღალკვალიფიციურ, გამოცდილ სპეციალისტებს და უახლეს, მაღალტექნოლოგიურ დიაგნოსტიკურ და სამკურნალო აპარატურას. ჩვენი ინტეგრირებული მიდგომა უზრუნველყოფს პაციენტებისთვის კომპლექსურ, უმაღლესი სტანდარტის სამედიცინო სერვისებს, რაც განაპირობებს ზუსტ დიაგნოსტიკასა და ეფექტურ მკურნალობას ყველა პროფილის მიმართულებით.

ადგილმდებარეობა: ქ. თბილისი, მარცხენა სანაპირო კოსმონავტების 45ა
სამუშაო განრიგი: ორშაბათიდან პარასკევის ჩათვლით 09:30 საათიდან 18:00 საათამდე.
ანაზღაურება: განისაზღვრება კანდიდატის გამოცდილებისა და კვალიფიკაციის შესაბამისად.

ძირითადი ფუნქციები:

• აფთიაქის საქმიანობის ორგანიზება, მართვა და კონტროლი;
• მედიკამენტების, სამედიცინო პროდუქციისა და სახარჯი მასალების მარაგების კონტროლი;
• შესყიდვების პროცესის დაგეგმვა, ორგანიზება და მართვა;
• ბაზრისა და მომწოდებლების კვლევა, ახალი პარტნიორების მოძიება;
• მომწოდებლებთან მოლაპარაკებების წარმოება და შესყიდვის პირობების შეთანხმება;
• პროდუქციის მიღებისა და შესაბამისობის კონტროლი;
• შესყიდვებთან და აფთიაქის საქმიანობასთან დაკავშირებული დოკუმენტაციის წარმოება;
• ლოჯისტიკური პროცესების ზედამხედველობა და შესაბამის სტრუქტურულ ერთეულებთან თანამშრომლობა.

საკვალიფიკაციო მოთხოვნები

• უმაღლესი განათლება;
• აფთიაქის, შესყიდვების ან სამედიცინო სფეროში მუშაობის გამოცდილება ჩაითვლება უპირატესობად;
• საოფისე კომპიუტერული პროგრამების ცოდნა;
• ანალიტიკური აზროვნებისა და ორგანიზების უნარი.

პიროვნული თვისებები:

• პასუხისმგებლობის მაღალი გრძნობა;
• ორგანიზებულობა და პუნქტუალურობა;
• დეტალებზე ორიენტირებულობა;
• დროის ეფექტურად მართვის უნარი;
• კომუნიკაციისა და მოლაპარაკების კარგი უნარები.

დაინტერესებულ კანდიდატებს გთხოვთ, გამოაგზავნოთ რეზიუმე (CV) hr@hgh.ge

სათაურის ველში მიუთითეთ პოზიციის დასახელება

გლობალმედის საუნივერსიტეტო კლინიკა მადლობას უხდის ყველა დაინტერესებულ პირს.

თქვენს მიერ გამოგზავნილი რეზიუმე, "პერსონალურ მონაცემთა დაცვის შესახებ" საქართველოს კანონის შესაბამისად, შესაძლოა შეიცავდეს პერსონალურ მონაცემებს. გაცნობებთ, რომ თქვენი პერსონალური მონაცემები ჩვენი კომპანიის მხრიდან დამუშავდება შრომითი ურთიერთობების დამყარების შესახებ გადაწყვეტილების მიღების მიზნებისათვის. ასევე, თქვენს მიერ გამოგზავნილი რეზიუმე შესაძლოა არ იქნას განხილული მოცემულ ვაკანსიაზე, სავაკანსიო მოთხოვნებიდან გამომდინარე ან დარეზერვებული იქნას სხვა რელევანტურ ვაკანსიაზე.