Connect/ქონექთი — წარმატებული ქართული ნავთობკომპანია, რომელიც 2014 წლიდან ოპერირებს ადგილობრივ ბაზარზე. კომპანია დღეს ფლობს 150-ზე მეტ ობიექტს მთელი საქართველოს მასშტაბით და მომხმარებელზე ორიენტირებული მიდგომით მუდმივად ავითარებს თავის პროდუქტებსა და მომსახურებას.

Connect/ქონექთი აცხადებს ვაკანსიას საცალო გაყიდვების მენეჯერის პოზიციაზე, სათაო ოფისში. ვეძებთ მოტივირებულ და შედეგზე ორიენტირებულ პროფესიონალს, რომელსაც აქვს საცალო გაყიდვების სფეროში მუშაობის გამოცდილება.

სამუშაო პირობები

• ადგილმდებარეობა: თბილისი, უნივერსიტეტის ქ. N8;
• სამუშაო გრაფიკი: ორშაბათი – პარასკევი, 10:00–18:00;
• ანაზღაურება: საწყის ეტაპზე – 1 500 ლარი, 2 თვის შემდეგ – 1 800 ლარი + ბონუსი.

ძირითადი მოვალეობები

• საცალო გაყიდვების დეპარტამენტის მიმდინარე პროცესების მხარდაჭერა და კოორდინაცია;
• სადგურებზე სარეკლამო და სხვა საჭირო მასალების დროული მიწოდებისა და განთავსების უზრუნველყოფა;
• მატერიალური მარაგების კონტროლი და შესაბამისი დოკუმენტაციის მართვა;
• პასუხისმგებლობის რეგიონში ახალი საცალო კლიენტების მოძიება და გაყიდვების განვითარება;
• გაყიდვების ზრდის მიზნით დაგეგმილი აქტივობების განხორციელებაში მონაწილეობა;
• სადგურების მენეჯერებთან მუდმივი კომუნიკაცია და ოპერატიული საკითხების კოორდინაცია;
• პრობლემური სადგურებისა და ოპერაციული გამოწვევების იდენტიფიცირება და ხელმძღვანელობისთვის ინფორმაციის მიწოდება;
• კონკურენტების ფასების, აქციებისა და სხვა საბაზრო აქტივობების მონიტორინგი და შესაბამისი ანგარიშგების მომზადება;
• ხელმძღვანელის მიერ განსაზღვრული სხვა ფუნქციებისა და დავალებების შესრულება.

საკვალიფიკაციო მოთხოვნები

• უმაღლესი განათლება;
• სასურველია ნავთობისა და ნავთობპროდუქტების სფეროში მუშაობის გამოცდილება;
• მართვის მოწმობა და საკუთარი ავტომობილი (საწვავით უზრუნველყოფს კომპანია);
• საქართველოს მასშტაბით მოკლევადიანი მივლინებებისთვის მზადყოფნა;
• MS Office-ის პროგრამების ცოდნა;

პიროვნული უნარები

• ძლიერი კომუნიკაციისა და მოლაპარაკების წარმოების უნარი;
• შედეგზე ორიენტირებულობა;
• პასუხისმგებლობის მაღალი გრძნობა;
• ორგანიზებულობა და დროის ეფექტურად მართვის უნარი;
• პრობლემების სწრაფად გადაჭრის უნარი;
• გუნდური მუშაობისა და დამოუკიდებლად გადაწყვეტილებების მიღების უნარი.

თუ გსურთ გახდეთ სწრაფად მზარდი ქართული ნავთობ კომპანიის გუნდის წევრი და თქვენი გამოცდილებით წვლილი შეიტანოთ საცალო გაყიდვების მიმართულების განვითარებაში, გამოგვიგზავნეთ თქვენი CV ელ-ფოსტის მისამართზე: career@connect.com.ge და სათაურის ველში მიუთითეთ პოზიციის დასახელება.

თქვენს მიერ გაგზავნილი რეზიუმე "პერსონალურ მონაცემთა დაცვის შესახებ" საქართველოს კანონის შესაბამისად, შესაძლოა შეიცავდეს პერსონალურ მონაცემებს. გაცნობებთ, რომ თქვენი პერსონალური მონაცემები კომპანიის მხრიდან დამუშავდება თქვენთან სახელშეკრულებო, მათ შორის შრომითი ურთიერთობის დამყარების შესახებ გადაწყვეტილების მიღების მიზნებისათვის. ასევე, თქვენს მიერ გამოგზავნილი რეზიუმე შესაძლოა არ იქნას განხილული მოცემულ ვაკანსიაზე, სავაკანსიო მოთხოვნებიდან გამომდინარე, ან დარეზერვებული იქნას სხვა რელევანტურ ვაკანსიაზე. თქვენი პერსონალური მონაცემები კომპანიის მონაცემთა ბაზაში შეინახება 6 თვის ვადით.
კომპანია ემიჯნება ნებისმიერი სახის დისკრიმინაციას როგორც ვაკანსიის შესახებ განცხადების გამოქვეყნების და შერჩევის ეტაპზე, ისე შრომითი ურთიერთობის ფარგლებში.

წარმატებებს გისურვებთ!