Biodroga აცხადებს ვაკანსიას უმცროსი გაყიდვების წარმომადგენლის პოზიციაზე (Junior Sales Representative).

გერმანული პრემიუმ კლასის კოსმეტიკური ბრენდი Biodroga (რომელსაც საქართველოში ოფიციალურად წარმოადგენს „ჰუმან დიაგნოსტიკ ჯორჯია“) ეძებს გუნდის ახალ წევრს – ხალისიან, მოტივირებულ და კომუნიკაბელურ ადამიანს, რომელსაც სურს პროფესიული ზრდა და განვითარება.
თუ გაქვს გამოცდილება მომსახურების სფეროში (მაგალითად: ესთეტიკური ცენტრის ან სტომატოლოგიური კლინიკის ასისტენტად, კონსულტანტად) და გინდა ძალები ახალ ამპლუაში მოსინჯო, ეს ვაკანსია სწორედ შენთვისაა!

რას გააკეთებ შენ?

• ეს არის აქტიური, მოძრავი სამუშაო და არა ოფისში ჯდომა. შენი მთავარი მოვალეობები იქნება:
• ექიმებთან და კოსმეტოლოგებთან ვიზიტები (პროდუქციის შეხსენება, სიახლეების გაცნობა და თბილი ურთიერთობების შენარჩუნება);
• ბრენდის პოპულარიზაცია და პრეზენტაცია (შესაბამის ტრენინგებს ჩვენ ჩაგიტარებთ);
• შეხვედრებისა და ვებინარების ორგანიზება/ჩანიშვნა;
• გაყიდვების მენეჯერისგან მიღებული ყოველდღიური დავალებების შესრულება და მჭიდრო თანამშრომლობა გუნდთან.

რა თვისებები და უნარები გჭირდება?

• ლაღი, პოზიტიური და ენერგიული ხასიათი – შენ უნდა იყო კომპანიის "სავიზიტო ბარათი";
• გამართული და თავდაჯერებული კომუნიკაციის უნარი;
• სწავლისა და განვითარების დიდი სურვილი;
• საბაზისო ინტერესი/ცოდნა ესთეტიკური მედიცინის ან კოსმეტოლოგიის მიმართ (სამედიცინო განათლება სავალდებულო არ არის, თუმცა უპირატესობად ჩაითვლება);
• საკუთარი ავტომობილი / მართვის მოწმობა (აუცილებელია).

რას გთავაზობთ ჩვენ?

• მხარდამჭერ და მეგობრულ გარემოს – გაყიდვების მენეჯერი იქნება შენი მენტორი, რომელიც ყოველდღიურად დაგაკვალიანებს და გასწავლის საქმეს;
• საწვავის/ამორტიზაციის ხარჯების ანაზღაურებას;
• რეალურ შესაძლებლობას, შეისწავლო გაყიდვები პრაქტიკაში და გაიზარდო პროფესიულად (კომპანია სწრაფად ვითარდება, გვემატება ახალი ბრენდები და პერსპექტივაში განიხილება კარიერული წინსვლა);
• პირობები: პირველი 6 თვე იქნება გამოსაცდელი პერიოდი (ფიქსირებული ანაზღაურებით). ამ ვადის წარმატებით გავლის შემდეგ მოხდება ხელფასის გადახედვა/ზრდა და დაგემატება საბონუსე სისტემა.

თუ გრძნობ, რომ ეს გამოწვევა შენთვისაა, გამოგვიგზავნე შენი CV ფოტოსურათთან (აუცილებელია) ერთად ელ-ფოსტაზე: sale@humangeorgia.com