საქართველოს ეროვნული ბოტანიკური ბაღი არის კულტურული მემკვიდრეობის ძეგლი, სამეცნიერო-კვლევითი, ეკოსაგანმანათლებლო დაწესებულება, რომელიც დედაქალაქის ერთ-ერთი გამორჩეული ღირსშესანიშნაობაა.

ა(ა)იპ „საქართველოს ეროვნული ბოტანიკური ბაღი“ აცხადებს ვაკანსიას დეკორატიულ მცენარეთა კოლექციების და ბაღის გაფორმების განყოფილებაში აგრონომის პოზიციაზე.

სამუშაო გრაფიკი: სრული (40 სამუშაო საათი კვირაში) ორშაბათი-პარასკევი 08:30-17:30 შესვენება 13:00-14:00 ადგილმდებარეობა:

ქ. თბილისი, ძველი თბილისის რაიონი, ბოტანიკურის ქ. #1

ანაზღაურება: 1,760 ლარი (დარიცხული თანამდებობრივი სარგო)*
*შენიშვნა: დარიცხულ თანამდებობრივ სარგოს აკლდება საქართველოს კანონმდებლობით გათვალისწინებული გადასახადები.

სამუშაოს ზოგადი აღწერა
ფუნქციები:

• ბოტანიკური ბაღის დეკორატიული გაფორმების, მისი დეკორატიული იერსახის შენარჩუნებისა და გაუმჯობესების სამუშაოებში მონაწილეობა;
• ყვავილოვანი გაფორმებისათვის დეკორატიული მცენარეების შერჩევასა და განახლებაში მონაწილეობის მიღება;
• კოლექციებისა და დეკორატიული ნაკვეთების მოვლისა და შევსება-განახლების მიზნით აგროტექნიკური სამუშაოების დაგეგმვაში მონაწილეობა;
• მცენარეთა მოვლა-მოყვანის აგროტექნიკური სამუშაოების განხორციელება (ნიადაგის დამუშავება, განოყიერება, დარგვა, მორწყვა, მცენარეთა ფორმირება);
• საკოლექციო და ბაღის სხვადასხვა დეკორატიულ ნაკვეთებზე აგროტექნიკური სამუშაოების შესრულებაში მონაწილეობა;
• ბაღის დეკორატიული თარგებისათვის, ყოველწლიური გეგმის შესაბამისად, სარგავი მასალის გამოყვანის უზრუნველყოფა;
• მცენარეთა მავნებელ-დაავადებების კონტროლი, დროული იდენტიფიკაცია და დაცვის ღონისძიებების განხორციელება უშუალო ხელმძღვანელთან და შესაბამის განყოფილებასთან შეთანხმებით;
• სარეალიზაციოდ ნამეტი მცენარეების მომზადება (გადარგვა, ეტიკეტირება);
• მებაღეების საქმიანობის კოორდინაცია და კონტროლი, სამუშაოების გადანაწილება და მეთვალყურეობა;
• სამუშაო გეგმის შეთანხმება და შესრულებული სამუშაოების შესახებ ანგარიშების წარდგენა უშუალო ხელმძღვანელისთვის.

საკვალიფიკაციო მოთხოვნები:

• უმაღლესი განათლება აგრონომიის, მებაღეობის ან მცენარეთა დაცვის მიმართულებით;
• დამატებითი პროფესიული კურსები მცენარეთა დაცვის, სასუქების გამოყენების, სარწყავი სისტემების ან სანერგე მეურნეობის მიმართულებით;
• მცენარეთა მოვლა-მოყვანისა და აგროტექნიკური სამუშაოების პრაქტიკული გამოცდილება;
• მსგავს პოზიციაზე მუშაობის მინიმუმ 2 წლიანი გამოცდილება
• MS Office (Word, PTT, Excel) საბაზისო დონეზე ცოდნა.

უნარები:

• საბაღე ინვენტართან მუშაობის უნარი;
• აქტიურ სამუშაო გარემოში მუშაობის უნარი;
• სამუშაო დროის ეფექტურად მართვის უნარი;
• ორგანიზებულობა და დეტალებზე ორიენტირებულობა;
• გუნდში მუშაობის უნარი;
• პასუხისმგებლობა.

ჩვენ გთავაზობთ:

• სასიამოვნო სამუშაო გარემოს;
• კარიერული და პროფესიული წინსვლის პერსპექტივას.

შერჩევის მეთოდები:

• სატელეფონო გასაუბრება;
• ინდივიდუალური გასაუბრება.

დაინტერესებულ პირებს გთხოვთ, გამოგზავნოთ რეზიუმე (CV) შემდეგ ელექტრონულ მისამართზე Hr@nbgg.ge.
გთხოვთ, სათაურის ველში (subject) აუცილებლად მიუთითოთ ვაკანსიის დასახელება, წინააღმდეგ შემთხვევაში თქვენი განაცხადი არ განიხილება.

გაცნობებთ, რომ ა(ა)იპ საქართველოს ეროვნული ბოტანიკური ბაღის (ს/ნ 404405960) მიერ, თქვენი პერსონალური მონაცემები მუშავდება, მათ შორის, ხდება მათი შეგროვება, გადამოწმება და შენახვა თქვენი განაცხადის განხილვისა და კანდიდატთა შერჩევა/დასაქმებისთვის საჭირო პროცედურების წარმართვის მიზნით, „პერსონალურ მონაცემთა დაცვის შესახებ“ საქართველოს კანონის მოთხოვნათა შესაბამისად.
თქვენი განაცხადი/CV და მასში მოცემული პერსონალური მონაცემები, კანონმდებლობით დადგენილი მოთხოვნებიდან გამომდინარე, მათ შორის, კონკურსის შედეგებთან დაკავშირებით სამართლებრივი დავის პროცესის უზრუნველყოფის მიზნით, ჩვენ მიერ შეინახება კონკურსის დასრულებიდან 1 წლის განმავლობაში.
დამატებით გაცნობებთ, რომ თქვენთვის უზრუნველყოფილია „პერსონალურ მონაცემთა დაცვის შესახებ“ საქართველოს კანონის III თავით გათვალისწინებული უფლებები.