საქართველოს ეროვნული ბოტანიკური ბაღი არის კულტურული მემკვიდრეობის ძეგლი, სამეცნიერო-კვლევითი, ეკოსაგანმანათლებლო დაწესებულება, რომელიც დედაქალაქის ერთ-ერთი გამორჩეული ღირსშესანიშნაობაა.

ა(ა)იპ „საქართველოს ეროვნული ბოტანიკური ბაღი“ აცხადებს ვაკანსიას გიდის პოზიციაზე.

სამუშაო გრაფიკი: სრული (40 სამუშაო საათი კვირაში) ორშაბათი-პარასკევი 09:00-18:00 შესვენება 13:00-14:00

ადგილმდებარეობა: ქ. თბილისი, ძველი თბილისის რაიონი, ბოტანიკურის ქ. #1

ანაზღაურება: 1,520 ლარი (დარიცხული თანამდებობრივი სარგო)*
*შენიშვნა: დარიცხულ თანამდებობრივ სარგოს აკლდება საქართველოს კანონმდებლობით გათვალისწინებული გადასახადები.

სამუშაოს ზოგადი აღწერა
ფუნქციები:

• ექსკურსიების ჩატარება ბოტანიკური ბაღის დამთვალიერებლების, სკოლის მოსწავლეებისა და საბავშვო ბაღის აღსაზრდელებისთვის;
• საგანმანათლებლო პროგრამების ფარგლებში დაგეგმილ აქტივობებში მონაწილეობა და შემეცნებითი ხასიათის ექსკურსიების ჩატარება;
• საგანმანათლებლო პროგრამის ფარგლებში დაგეგმილი ღონისძიებების ორგანიზებაში მონაწილეობა;
• შემეცნებითი სახის ბოტანიკური და ისტორიულ-კულტურული ექსკურსიებისათვის საინტერპრეტაციო მასალის მომზადება.

საკვალიფიკაციო მოთხოვნები:

• უმაღლესი განათლება ან დამამთავრებელი კურსის სტუდენტი (უპირატესად ჩაითვლება განათლება ტურიზმის, ეკოლოგიის, ხელოვნებათმცოდნეობის, ბიოლოგიის მიმართულებით);
• მსგავს პოზიციაზე მუშაობის მინიმუმ 1 წლიანი გამოცდილება (სასურველია);
• ბავშვებთან და მოზრდილებთან მუშაობის გამოცდილება (სასურველია);
• ქართული ენის სრულყოფილი ცოდნა (წერითი და ვერბალური კომუნიკაცია);
• ინგლისური ენის B2 დონეზე ცოდნა. (დამატებითი უცხო ენა ჩაითვლება პრიორიტეტად);
• MS Office -ის ცოდნა;

უნარები:

• აქტიურ სამუშაო გარემოში მუშაობის უნარი;
• სამუშაო დროის მართვის უნარი;
• გუნდში მუშაობის უნარი;
• ორგანიზებულობა;
• დეტალებზე ორიენტირებულობა;
• პასუხისმგებლობა.

ჩვენ გთავაზობთ

• სასიამოვნო სამუშაო გარემოს;
• კარიერული და პროფესიული წინსვლის პერსპექტივას.
• შერჩევის მეთოდები:
• სატელეფონო გასაუბრება;
• ინდივიდუალური გასაუბრება.

დაინტერესებულ პირებს გთხოვთ, გამოგზავნოთ რეზიუმე (CV) შემდეგ ელექტრონულ მისამართზე Hr@nbgg.ge.
გთხოვთ, სათაურის ველში (subject) აუცილებლად მიუთითოთ ვაკანსიის დასახელება, წინააღმდეგ შემთხვევაში თქვენი განაცხადი არ განიხილება.

გაცნობებთ, რომ ა(ა)იპ საქართველოს ეროვნული ბოტანიკური ბაღის (ს/ნ 404405960) მიერ, თქვენი პერსონალური მონაცემები მუშავდება, მათ შორის, ხდება მათი შეგროვება, გადამოწმება და შენახვა თქვენი განაცხადის განხილვისა და კანდიდატთა შერჩევა/დასაქმებისთვის საჭირო პროცედურების წარმართვის მიზნით, „პერსონალურ მონაცემთა დაცვის შესახებ“ საქართველოს კანონის მოთხოვნათა შესაბამისად.
თქვენი განაცხადი/CV და მასში მოცემული პერსონალური მონაცემები, კანონმდებლობით დადგენილი მოთხოვნებიდან გამომდინარე, მათ შორის, კონკურსის შედეგებთან დაკავშირებით სამართლებრივი დავის პროცესის უზრუნველყოფის მიზნით, ჩვენ მიერ შეინახება კონკურსის დასრულებიდან 1 წლის განმავლობაში.
დამატებით გაცნობებთ, რომ თქვენთვის უზრუნველყოფილია „პერსონალურ მონაცემთა დაცვის შესახებ“ საქართველოს კანონის III თავით გათვალისწინებული უფლებები.