21 მარ - 10 აპრ
ვიპ
რესტორნის სერვის მენეჯერი
თბილისი
მცხეთის მუნიციპალიტეტი, მცხეთა
- სრული განაკვეთი
- გამოცდილება აუცილებელია , გამოცდილება 2-დან 5 წლამდე
- ინგლისური,რუსული
ვაკანსიაზე გამოხმაურება
ელ. ფოსტა: hr@tsiskvili.ge
„წისქვილი ჯგუფი“ ტრადიციული ქართული გემოების, ატმოსფეროსა და კულტურის ერთობლიობაა, რომელიც 2002 წლიდან მასპინძლობს სტუმრებს თბილისში წარმოდგენილ სამ სხვადასხვა ლოკაციაზე. წისქვილში შექმნილი გარემო, თავს გვახვევს ნოსტალგიურ განწყობას და პირდაპირ ასოცირდება იმ ტრადიციებთან, რაც წლების განმავლობაში ქმნიდა ფაქტობრივად ბრენდად ჩამოყალიბებულ - „ქართულს“. ამის პარალელურად, არ ჩამორჩება თანამედროვე ტენდენციებს და ყველა გემოვნების მომხმარებელს სთავაზობს საგულდაგულოდ მოწყობილ კუთხეს. კომპანიას არსებობის დღიდან დამსახურებულად აქვს მიღებული ჯილდოები მისი ხარისხისა და სტუმარ-მასპინძლობის დამსახურებით (Golden Brand Award 2005-2012, International NBR Award, Tripadvisor Certificate Of Excellence Winner 2019 და სხვა..)
მოხარულები ვართ გაცნობოთ, რომ „წისქვილი ჯგუფის“ დიდ გუნდში გვაქვს რესტორნის სერვის მენეჯერის ვაკანტური პოზიციები.
სამუშაო ლოკაცია: თბილისი, მცხეთა
სამუშაო გრაფიკი: სრული
ძირითადი მოვალეობები:
- ობიექტზე ყოველდღიური სამუშაო პროცესის კოორდინირება;
- ობიექტზე დასაქმებული პერსონალის მართვა;
- ობიექტზე დასაქმებული პერსონალის სამუშაო განრიგის მართვა;
- პირდაპირ და არაპირდაპირ დაქვემდებარებული პერსონალის მიერ შესრულებული სამუშაოს ყოველდღიური მონიტორინგი, შედეგების შესახებ ფილიალის მენეჯერის ინფორმირება, საჭირო ღონისძიებების დაგეგმვა (მაგ.: პერსონალის დატრენინგება, გადამზადება და სხვა..);
- პრაქტიკანტების ადაპტაციის პროცესის სწორად წარმართვა;
- პირდაპირი კომუნიკაცია სტუმრებთან, მიღებული შეფასებების განხილვა პერსონალთან და რეკომენდაციების მომზადება;
- მომსახურების სტანდარტების დაცვის უზრუნველყოფა;
- ჯავშნების მართვა;
- ჯავშნების საოპერაციო ნაწილის დაგეგმვა და აღსრულება;
- კომპანიაში დადგენილი შრომის შინაგანაწესის, შრომის უსაფრთხოების, სურსათის უვნებლობისა და ხარისხის კონტროლის სტანდარტების დაცვა;
- ობიექტის სრულ პერიმეტრზე(გარე/შიდა სივრცეები) არსებული ინფრასტრუქტურის, მოწყობილობებისა და დანადგარების გამართულად მუშაობის მონიტორინგი, ექსპლუატაციის წესების დაცვის მონიტორინგი;
- კომპეტენციის ფარგლებში, პირადი ხელმძღვანელისაგან მიღებული სხვა მითითებების შესრულება.
აუცილებელი მოთხოვნები:
- აუცილებელია სარესტორნო სფეროში მუშაობის მინიმუმ 5 წლიანი გამოცდილება;
- აუცილებელია სერვის მენეჯერის პოზიციაზე მუშაობის მინიმუმ 2 წლიანი გამოცდილება;
- აუცილებელია საშუალო ან დიდი მასშტაბების გუნდის მართვის გამოცდილება;
- აუცილებელია მომსახურების სტანდარტების მაღალ დონეზე ცოდნა;
- აუცილებელია ინგლისური და რუსული ენის საკომუნიკაციო დონეზე ცოდნა;
- MS Office პროგრამებში მუშაობის პრაქტიკა.
თუ თვლით, რომ თქვენი გამოცდილება და უნარ-ჩვევები შეესაბამება ვაკანსიის მოთხოვნებს და ამავდროულად გსურთ შემოუერთდეთ „წისქვილი ჯგუფის“ პროფესიონალთა გუნდს, გადმოგვიგზავნეთ რეზიუმე ელ. ფოსტის მისამართზე hr@tsiskvili.ge და სათაურის ველში (subject) მიუთითოთ ვაკანსიის დასახელება.
გთხოვთ გაითვალისწინოთ, რომ რეზიუმეს გადმოგზავნით, თქვენ აცხადებთ თანხმობას კომპანიის მიერ თქვენი პირადი და პერსონალური მონაცემების დამუშავებაზე.
დაკავშირება მოხდება მხოლოდ შერჩეულ კანდიდატებთან.
გისურვებთ წარმატებებს!
სასტუმრო/რესტორანი/კვება
სერვისის მენეჯერი
ნახვები 634
უნიკალური ნახვები 597