სამშენებლო კომპანია მეტტა|Metta 2018 წელს შეიქმნა. ორგანიზაციას საერთაშორისო გამოცდილების მქონე ახალგაზრდა პროფესიონალთა გუნდი ხელმძღვანელობს. გუნდის მთავარი მიზანია თანამედროვე და ინოვაციური მიდგომების დანერგვა სამშენებლო სფეროში. კომპანია აქტიური განვითარების ეტაპზეა და, შესაბამისად, ახალგაზრდა, მოტივირებულ და აქტიურ ადამიანებს საკუთარი შესაძლებლობების გამოვლენისა და განვითარების დიდ შესაძლებლობებს სთავაზობს. კომპანიის შესახებ დამატებითი ინფორმაციისათვის ეწვიეთ ჩვენს ვებგვერდს www.metta.ge

მეტტა|Metta ახალი სამშენებლო ობიექტებისათვის ეძებს გამოცდილ პროფესიონალს ხარისხის კონტროლის ინსპექტორის პოზიციაზე.
სამუშაო ადგილი: თბილისი
სამუშაო განაკვეთი: სრული

ჩვენ გთავაზობთ: კოლეგიალურ, ურთიერთ პატივისცემაზე აშენებულ სამუშაო გარემოს, დაკომპლექტებულს დარგის მოწინავე პროფესიონალებით, რომლებიც მზად არიან გააზიარონ ცოდნა და გამოცდილება.
ჩვენთან დაგხვდებათ პროფესიული განვითარების კარგი შესაძლებლობა, კონკურენტული ანაზღაურება და სარგებლის პაკეტი.

ხარისხის კონტროლის ინსპექტორის როლი განისაზღვრება მის კომპეტენციაში შემავალი სამშენებლო ობიექტისათვის, სამშენებლო მოედანზე ხარისხის კონტროლი, პროექტის შესრულების ხარისხის პროექტის მოთხოვნებთან შესაბამისობის უზრუნველყოფის მიზნით.

ხარისხის კონტროლის ინსპექტორის პასუხისმგებლობა და ძირითადი სამუშაო ფუნქციები მოიცავს, მაგრამ არ შემოიფარგლება შემდეგით:

ძირითადი მოვალეობები:

• სამშენებლო მოედანზე შესრულებული სამუშაოების მონიტორინგი, პროექტის მოთხოვნებთან შესაბამისობის უზრუნველსაყოფად.
• სამშენებლო მოედანზე ჩასატარებელ ყველა ტესტების, ინსპექტირების განხორციელება საპროექტო სპეციფიკაციების, პროცედურების და რეკომენდირებული სტანდარტების შესაბამისად.
• ხარისხის კონტროლის ჩანაწერების წარმოება პროექტთან დაკავშირებით.
• დეფექტების ხარისხის მონიტორინგი და ანალიზი, კონსულტაცია და კორექტირებადი მოქმედებების განხილვა პროექტების მენეჯერებთან.
• სატესტო და საზომი აღჭურვილობის კალიბრაციის სერტიფიკატების მონიტორინგი და გადამოწმება.
• სამშენებლო მოედანზე მიწის, ბეტონის, შიდა და გერე სამუშაოების მონიტორინგი და კონტროლი.
• ინერტული მასალების ტესტირების მოთხოვნები,ლაბორატორიული ტესტის ოქმის მოპოვება და გადამოწმება.
• მასალის მიღების ინსპექტირება საპროექტო ნახაზის შესაბამისად.
• ყოველი დასრულებული სამუშაო ეტაპის რაპორტინგი.
• ზემოთ აღნიშნული სამუშაო პროცესის სრულად დოკუმენტირება.

• ბაკალავრის ხარისხი სამოქალაქო ინჟინერიაში, სამშენებლო მენეჯმენტში, ან მასთან დაკავშირებულ სფეროში. მაგისტრის ხარისხს მიენიჭება უპირატესობა.
• სამშენებლო მოედანზე მინიმუმ 3 წლიანი გამოცდილება, აქედან მინიმუმ 1 წლიანი ხარისხის კონტროლის მიმართულებით.
• საქართველოს კანონმდებლობით დადგენილი სამშენებლო ტექნიკური ნორმების რეგლამენტები
• ხარისხის მართვის სისტემების, სამშენებლო სტანდარტებისა და უსაფრთხოების რეგულაციების საფუძვლიანი ცოდნა.
• MS office-ის სამუშაო დონეზე ფლობა.
• AutoCAD-ის საშუალო დონეზე ფლობა.
• ინგლისური ენის სამუშაო დონეზე ფლობა