შპს "ავტოტექნო" წარმოადგენს სატვირთო ავტომობილების და სამშენებლო ტექნიკის მომწოდებელ კომპანიას, რომელიც დაარსდა 2016 წელს. სპეციალიზებულია

სამი მიმართულებით:
წამყვანი ჩინური ბრენდების (Sinotruk Howo; SHANTUI) ავტომობილების, ბულდოზერების, ექსკავატორების, თვითმცლელების და სხვა ტიპის ტექნიკის იმპორტი და რეალიზაცია;
არსებული ბრენდების სათადარიგო ნაწილების რეალიზაცია;
გაყიდული ტექნიკის საგარანტიო და გარანტიის შემდგომი მომსახურება, მიმდინარე ტექნიკური სერვისი.

კომპანიის ერთ-ერთი ძირითადი ბიზნეს ერთეულია სატვირთო ავტომობილებისა და სათადარიგო ნაწილების მაღაზია, რომელიც მდებარეობს ქალაქ თბილისში.
გაფართოებასთან დაკავშირებით ვეძებთ დამწყებ და გამოცდილ კანდიდატებს!
გთავაზობთ დასაქმების და კარიერული განვითარების რეალურ შესაძლებლობას!

შპს "ავტოტექნო" აცხადებს ვაკანსიას უზრუნველყოფის განყოფილების უფროსის პოზიციაზე.
ადგილმდებარეობა: თბილისი (ფონიჭალა)
სამუშაო საათები: 10:00 - 18:00 (ორშაბათი-პარასკევი)
ანაზღაურება: 2000-3000 NET + ბონუსი

ფუნქცია-მოვალეობები:

• კომპანიის კუთვნილ საწყობში არსებული პროდუქციის აღრიცხვის შესაბამისი წესების დაცვისა და უსაფრთხოების ნორმების უზრუნველყოფა;
• პროდუქტის მიღების, იდენტიფიკაციის და გაცემის პროცესის მონიტორინგი;
• კომპანიის მფლობელობაში არსებული დანადგარების, ელ.სისტემის, მოძრავი ტექნიკის ელექტრულად და ტექნიკურად გამართულობის უზრუნველყოფა;
• კომპანიის თანამშრომელთა სამუშაო პროცესისა და ადგილის საჭირო მასალითა და ინვენტარით უზრუნველყოფა;
• კომპანიის გარე და შიდა ტერიტორიის სისუფთავის და წესრიგის მონიტორინგი;

საკვალიფიკაციო მოთხოვნები:

• უმაღლესი განათლება;
• ამავე პოზიციაზე მუშაობის მინიმუმ 2 წლიანი გამოცდილება;
• უცხო ენის ცოდნა;

საჭირო პიროვნული უნარ-ჩვევები:

• დროის ეფექტურად მართვა;
• დეტალებზე ორიენტირება;
• გუნდურად მუშაობის უნარი;
• პუნქტუალურობა.

ჩვენ გავაზობთ:

• გრძელვადიან თანამშრომლობას;
• დაზღვევას;
• საბონუსე სისტემას;
• FitPass.

კონკურსის ეტაპები:

• შესარჩევი სიის მომზადება;
• გასაუბრება შერჩევის სპეციალისტთან;
• გასაუბრება უშუალო ხელმძღვანელთან.

გთხოვთ, დაინტერესებულმა პირებმა გამოაგზავნეთ თქვენი CV/რეზიუმე შემდეგ ელ.ფოსტაზე: hr1@autotechno.ge და წერილის თემის გრაფაში (subject-ში) მიუთითეთ ვაკანსიის დასახელება - "უზრუნველყოფის განყოფილების უფროსი".

თქვენს მიერ გაგზავნილი რეზიუმე "პერსონალურ მონაცემთა დაცვის შესახებ" საქართველოს კანონის შესაბამისად, შესაძლოა შეიცავდეს პერსონალურ მონაცემებს, მათ შორის განსაკუთრებული კატეგორიის მონაცემებსაც. გთხოვთ, გაითვალისწინოთ, რომ თქვენი პერსონალური მონაცემები კომპანიის მხრიდან დამუშავდება თქვენთან სახელშეკრულებო, აგრეთვე შრომითი ურთიერთობის დამყარების შესახებ გადაწყვეტილების მიღების მიზნებისთვის შემდგომი 5 (ხუთი) წლის განმავლობაში.

დაინტერესების შემთხვევაში, თუ რატომ არ შეირჩა თქვენი კანდიდატურა გასაუბრების ეტაპისთვის, შეგიძლიათ მოგვწეროთ აღნიშნულ მეილზე, ჩვენ სიამოვნებით გიპასუხებთ!

გისურვებთ წარმატებას და კარიერულ წინსვლას!