19 სექ - 19 ოქტ
სტანდარტი
კლინიკური კვლევის კოორდინატორი
- სრული განაკვეთი
- ინგლისური
ვაკანსიაზე გამოხმაურება
ელ. ფოსტა: hr@raymann.ge
ვაკანსიის დასახელება: კლინიკური კვლევის კოორდინატორი
კლინიკა „რეიმანი“ აცხადებს ვაკანსიას კლინიკური კვლევის კოორდინატორის პოზიციაზე.
ძირითადი ფუნქცია-მოვალეობები:
- კლინიკური კვლევის ყველა ასპექტის კოორდინაცია სახელმწიფო რეგულაციების, კვლევის პროტოკოლის და ეთიკური სტანდარტების შესაბამისად;
- კვლევის დოკუმენტაციის და პროცედურების დეტალური გაცნობა/ცოდნა;
- კვლევის დოკუმენტაციის სისრულის უზრუნველყოფა, კერძოდ კვლევის მონაწილეთა ინფორმირებული თანხმობის ფორმების და კვლევის სხვა დოკუმენტაციის შევსება/განახლება (დელეგირების შესაბამისად), კვლევის ბაინდერების და წყარო დოკუმენტების ორგანიზება, კვლევის დოკუმენტების/მასალების გაგზავნა/მიღება მოთხოვნების შესაბამისად, კვლევაში მონაწილე თანამშრომლების საბუთების (მაგ. რეზიუმე, სერტიფიკატი, ტრენინგის დასრულების დამადასტურებელი დოკუმენტი) მოძიება და ორგანიზება კვლევის მოთხოვნების შესაბამისად;
- გარე მომწოდებლებთან თანამშრომლობა (მაგ. ცენტრალური ლაბორატორია, დეპო, კურიერები და ა.შ.),
- კვლევის მონაწილეთათვის ძირითადი კონტაქტის როლის უზრუნველყოფა, მათ შორის მონაწილეთა ვიზიტების ორგანიზება/შეხსენება, ინფორმაციის მიწოდება, შეკითხვებზე პასუხის გაცემა (კომპეტენციის ფარგლებში) და ა.შ.;
- ყოველდღიური ადმინისტრაციული საქმიანობა, მათ შორის კვლევის ფარგლებში სერვისის მომწოდებლების (ვენდორების) ვებგვერდებზე წვდომა და კომპეტენციის ფარგლებში ოპერირება;
- მონაცემთა დროული და რეგულარული შეკრება, სიზუსტის, სისრულის და ხარისხის უზრუნველყოფა, ბაზების (eCRF) შევსება/განახლება, საჭიროების შემთხვევაში, შეუსაბამობების აღმოფხვრა კვლევით გათვალისწინებულ ვადებში;
- კლინიკური კვლევის ცენტრის მუშაობის კოორდინაცია და პარტნიორებთან/კონტრაქტორებთან კომუნიკაციია (სპონსორი, აუდიტორი, კონტრაქტული კვლევითი ორგანიზაცია (CRO), სამედიცინო დაწესებულება, მეტროლოგიური სამსახური, ლაბორატორია, აფთიაქი და ა.შ.);
- სპონსორის, მარეგულირებელი ორგანიზაციების და მონიტორების მიერ დაგეგმილი ვიზიტების და აუდიტის მხარდაჭერა და კოორდინაცია;
- CRA-სთვის პირველი საკონტაქტო პირის ფუნქციების უზრუნველყოფა, ცენტრში მათი საქმიანობის მხარდაჭერა, დოკუმენტაციის მომზადება და ხელმისაწვდომობის უზრუნველყოფა;
- მარაგების მართვა, საკვლევი სამედიცინო პროდუქტის და მასალების ვარგისიანობის კონტროლი და კვლევასთან დაკავშირებული შეკვეთების დროულად უზრუნველყოფა (მათ შორის, სახარჯი მასალის, სამედიცინო ნაკრებების, სამედიცინო აღჭურვილობის, საკვლევი საშუალებების და ა.შ.);
- საკვლევი სამედიცინო პროდუქტის ტემპერატურული რეჟიმის მონიტორინგი კვლევის მოთხოვნების შესაბამისად და საჭიროების შემთხვევაში საკარანტინო პროცედურების უზრუნველყოფა;
- კვლევის პოტენციური მონაწილეების იდენტიფიცირების და სკრინინგის პროცესებში აქტიური ჩართულობა მკვლევარის მითითებების შესაბამისად;
- სერიოზული არასასურველი მოვლენების და არასასურველი მოვლენების მონიტორინგი კომპეტენციის ფარგლებში და დროული ანგარიშგება კვლევის პროტოკოლის და სახელმწიფო რეგულაციების/გაიდლაინების შესაბამისად;
- კვლევის შესახებ ინფორმაციის კონფიდენციალურობა და კვლევაში მონაწილე სუბიექტების პირადი მონაცემების კონფიდენციალურობის უზრუნველყოფა.
- მკვლევარის მითითებით, კვლევასთან უშუალოდ დაკავშირებული სხვა აქტივობების განხორციელება.
საკვალიფიკაციო მოთხოვნები:
- სახელმწიფო სერტიფიკატი ან სარეზიდენტო პროგრამის მონაწილე;
- კლინიკური კვლევების კოორდინაციის გამოცდილება, ჩაითვლება უპირატესად.
ცოდნა, უნარები:
- ინგლისური ენის ფლობა B2, C1, C2 დონე;
- GCP (Good Clinical Practice) გაიდლაინების ცოდნა, ჩაითვლება უპირატესად;
- სიცოცხლის გადარჩენის ბაზისური მეთოდების ცოდნა (ტრენინგი BLS-ში), ჩაითვლება უპირატესად;
- Microsoft Office პროგრამების ცოდნა;
- მონაცემთა მართვის პროგრამების ცოდნა, ჩაითვლება უპირატესად;
- გუნდური მუშაობის უნარი და კოლეგიალობა;
- ძლიერი ორგანიზაციული და დროის მართვის უნარები;
- კომუნიკაბელობა და ინტერპერსონალური უნარები;
- ყურადღება დეტალების მიმართ და სწრაფი რეაგირების უნარი.
სამუშაო პირობები:
- სამუშაო გრაფიკი: კვირაში 20 საათიანი განრიგი, სამუშაოს დასაწყისი 09:30.
- სამუშაოს ადგილმდებარეობა: 7 სანდრო ეულის ქუჩა, 0186, თბილისი.
შერჩევის ეტაპები:
- მიღებული რეზიუმეების გადარჩევა;
- ინდივიდუალური გასაუბრება.
ჩვენთან დასაქმების შემთხვევაში გთავაზობთ:
- პროფესიონალ გუნდთან ერთად მუშაობის შესაძლებლობას;
- ჯანმრთელობის კორპორატიულ დაზღვევას.
დინტერესების შემთხვევაში გამოაგზავნეთ თქვენი CV/რეზიუმე შემდეგი ელ. ფოსტის მისამართზე: hr@raymann.ge
მეცნიერება/განათლება
კლინიკური კვლევა
ნახვები 116
უნიკალური ნახვები 109