"თოდუას კლინიკა" აცხადებს ვაკანსიას ფინანსისტის პოზიციაზე.

სავალდებულო საკვალიფიკაციო მოთხოვნები:

• უმაღლესი განათლება ფინანსების, ბიზნესის ადმინისტრირების ან ეკონომიკის მიმართულებით (უპირატესობა მიენიჭება სამედიცინო სფეროში დასაქმებულ კანდიდატს);
• CFA ან/და ACCA-ს სერტიფიკატის ქონა ჩაითვლება უპირატესობად;
• სულ მცირე სამ წლიანი სამუშაო გამოცდილება მსგავს პოზიციაზე;
• Excel-ისა და Word-ის მაღალ დონეზე ცოდნა და კარგად განვითარებული კომპიუტერული უნარ-ჩვევები;

ძირითადი მოვალეობები:

• ბიუჯეტის დაგეგმვა, ბიუჯეტირების გეგმისა და ხარჯვის პროცესის მეთვალყურეობა, დაგეგმილისა და ფაქტობრივი შესრულების შედარება, სხვაობის შემთხვევაში - ანალიზი;
• საქმისწარმოებისა და საორგანიზაციო-ტექნიკური საკითხების შესრულების ზედამხედველობა;
• მიმდინარე და ახალი პროექტების ფინანსური მომგებიანობის ანალიზი;
• ინვენტარიზაციისას სხვაობის აღმოჩენის შემთხვევაში, შესაბამისი განყოფილების ინფორმირება და ანალიზი;
• ანალიტიკური რეპორტების მომზადება;
• დაწესებულების საქმიანობის შესაბამისი სტატისტიკური ინფორმაციის კონკრეტულ ვადებში შეგროვება და დამუშავება;
• სტატისტიკური მონაცემების ვადების კონტროლი;
• საჭიროების შემთხვევაში, დაწესებულების ტიპიდან გამომდინარე, სხვადასხვა სახელმწიფო მარეგულირებელი ორგანოებისათვის სტატისტიკური ინფორმაციის მომზადება და ანგარიშის წარდგენა;
• თვის დახურვა და შესაბამისი რეპორტის მომზადება;
• სამუშაო აღწერილობასთან დაკავშირებული სხვადასხვა დავალებების შესრულება, ფინანსისტის კომპეტენციის ფარგლებში;

პიროვნული უნარ-ჩვევები:

• მათემატიკური და ანალიტიკური აზროვნების უნარი;
• სამუშაოს შესრულებისას დეტალებზე ორიენტირებულობა და სიზუსტე;
• ვერბალური კომუნიკაციის უნარი;
• ორგანიზებულობა, დროის ეფექტურად მართვის უნარი და მაღალი პასუხისმგებლობის გრძნობა.

დამატებითი ინფორმაცია:

• სამუშაო განაკვეთი: 09:00 საათიდან 17:00 საათამდე;
• მის. თბილისი, თევდორე მღვდლის 13.

დაინტერესების შემთხვევაში გთხოვთ, გამოაგზავნოთ თქვენი რეზიუმე შემდეგ ელექტრონულ მისამართზე: vacancy@toduaclinic.ge. გთხოვთ, სათაურის ველში აუცილებლად მიუთითოთ პოზიციის დასახელება.

გისურვებთ წარმატებებს!