სს „საქართველოს ენერგეტიკის განვითარების ფონდი“ აცხადებს ვაკანსიას შრომის უსაფრთხოების სპეციალისტის თანამდებობაზე, ქ. თბილისისა და ქ. ლანჩხუთის საჯარო სკოლების მზის სისტემებით აღჭურვის პროექტისთვის: 

ინფორმაცია პროექტზე: ქ. თბილისისა და ქ. ლანჩხუთის საჯარო სკოლების მზის სისტემებით აღჭურვის პროექტი წარმოადგენს სს ,,საქართველოს ენერგეტიკის განვითარების ფონდისა" და ლიეტუვური კომპანია შპს ,,Via Solis"-ის პარტნიორობით შემუშავებულ პროექტს, რომელმაც ლიეტუვის გარემოს დაცვის სამინისტროს პროექტების მართვის სააგენტოს მიერ გამოყოფილი გრანტი მოიპოვა. მოცემული პროექტის ფარგლებში ქალაქ თბილისის 3 და ქალაქ ლანჩხუთის 2 საჯარო სკოლას მზის ელექტროსადგურები დაუმონტაჟდება, რომელთა ჯამური დადგმული სიმძლავრე 200 კვტ-ს შეადგენს.  პროექტის ჯამური ღირებულაბაა 378 000 ევრო. პროექტის მიმდინარეობის ხანგრძლივობაა 4 (ოთხი) თვე. 

მდებარეობა: თბილისი, ლანჩხუთი; 

დასაქმების ფორმა: სრული განაკვეთი; 

გამოცდილება: 2 წელი; 

ძირითადი მოვალეობები: 

• სამშენებლო ობიექტზე შრომის უსაფრთხოების პოლიტიკის შემუშავება, აღსრულება, პროცედურების, დამხმარე დოკუმენტების მომზადება; 
• სამშენებლო ობიექტზე ზოგადი და სპეციფიკური რისკების შეფასება; 
• სასაწყობე სივრციდან სამშენებლო კომპონენტების ტრანსპორტირების შრომის უსაფრთხოების სტანდარტებთან და კანონმდებლობასთან შესაბამისობის კონტროლი; 
• მუშახელის ყოველდღიური ტრეინინგი უსაფრთხოების ნორმებსა და პროცედურებთან დაკავშირებით; 
• სამშენებლო ობიექტის ინსპექტირება/მონიტორინგი, შეუსაბამობების შემთხვევაში შესაბამისი პროცედურების გატარება; 
• სამშენებლო ობიექტზე ამკრძალავი, გამაფრთხილებელი, სავალდებულო და დამხმარე ნიშნების განსაზღვრა და შესაბამისი ნიშანდება; 
• უშუალო ხელმძღვანელის მიერ გაწერილი დავალებების შესრულება და მონიტორინგი; 
• სამუშაო (სამონტაჟო) მოედანზე სამუშაო პროცესის მუდმივი მეთვალყურეობა და უშუალო ხელმძღვანელის მუდვმივად ინფორმირება; 

საკვალიფიკაციო მოთხოვნები: 

• პროფესიული ან უმაღლესი განათლება (საინჟინრო, არქიტექტურის პროფილით ჩაითვლება უპირატესობად) 
• სამშენებლო ობიექტზე შრომის უსაფრთხოების სპეციალისტად მუშაობის მინიმუმ 2 წლიანი გამოცდილება 
• შრომის უსაფრთხოების სპეციალისტის აკრედიტაცია (მათ შორის: სამშენებლო სექტორში შრომის უსაფრთხოების აკრედიტაცია) 
• შრომის უსაფრთხოების საერთაშორისო სტანდარტების და ეროვნული საკანონმდებლო ბაზის ცოდნა 
• MS office პროგრამების კარგად ცოდნა 
• რუსული ენის მინიმუმ B2 დონეზე ცოდნა (ინგლისური ენის ცოდნა ჩაითვლება უპირატესობად) 

გასაფორმებელი შრომითი ხელშეკრულების ვადაა: ორიდან სამ თვემდე. 

ხელფასი შეთანხმებით. 

გამოაგზავნეთ თქვენი რეზიუმე შემდეგ ელექტრონულ მისამართზე:  info@gedf.com.ge, d.sanadze@gedf.com.ge და თემაში მიუთითეთ ვაკანსიის დასახელება  შრომის უსაფრთხოების სპეციალისტი. 

CV-ის წარმოდგენის ბოლო ვადა  12 აგვისტო.