აუდიტის ხარისხის მონიტორინგის უფროსი სპეციალისტი

კომპანია ბიდიო აცხადებს ვაკანსიას აუდიტის ხარისხის მონიტორინგის უფროსი სპეციალისტის პოზიციაზე.

„ბიდიო” არის აუდიტორული და ბიზნეს საკონსულტაციო კომპანია, რომელიც 1999 წლიდან ოპერირებს საქართველოს ბაზარზე და კლიენტებს სთავაზობს ბიზნეს სერვისების ფართო სპექტრს, იურიდიულ მომსახურებას და მრავალფეროვან ტექნოლოგიურ გადაწყვეტილებებს. 300-ზე მეტი პროფესიონალითა და გლობალური ქსელის მხარდაჭერით, რომელიც 167 ქვეყანასა და ტერიტორიაზეა წარმოდგენილი, ბიდიოს საქართველოში წამყვანი მე-3 პოზიცია უკავია უმსხვილეს აუდიტორულ და ბიზნეს საკონსულტაციო კომპანიებს შორის.

BDO-ს გუნდი გთავაზობთ საინტერესო და მეგობრულ სამუშაო გარემოს. მუდმივ სწავლებასა და განვითარებას, როგორც უშუალოდ სამუშაო პროცესში, ასევე ბიდიო აკადემიის ტრენინგებით.

ვაკანსიის დასახელება: აუდიტის ხარისხის მონიტორინგის უფროსი სპეციალისტი

ადგილმდებარეობა: ი.თარხნიშვილის #2, ვერე ბიზნეს ცენტრი

სამუშაო საათები: სრული სამუშაო გრაფიკი, ორშაბათი - პარასკევი, 09:00 – 18:00

აღწერა

ფუნქცია/მოვალეობები:

• აუდიტის გარიგეგების ხარისხის მონიტორინგი სტანდარტებთან (IFRS, ISQC1, ISA და ა.შ.) შესაბამისობის დადგენის მიზნით
• შეუსაბამობის იდენტიფიცირების შემთხვევაში სტანდარტებით დადგენილი მოთხოვნების შესაბამისად რეკომენდაციების მიცემა
• ხარისხის კონტროლის სისტემასთან დაკავშრებული პროცედურების ოპტიმიზაციაში ჩართულობა
• სტანდარტებში შესული ცვლილებების მუდმივი კონტროლი

მოთხოვნები:

• აუდიტორულ ფირმაში აუდიტორად მუშაობის მინიმუმ 3 წლიანი გამოცდილება
• აუდიტის საერთაშორისო სტანდარტების ცოდნა
• ფინანსური აღრიცხვის საერთაშორისო სტანდარტების ცოდნა (IFRS)
• ბუღალტრული აღრიცხვის საფუძვლების ცოდნა
• ხარისხის კონტროლის საერთაშორისო სტანდარტი
• ინგლისური ენის მაღალ დონეზე ცოდნა
• სასურველია ACCA-ის სერტიფიცირება

პიროვნული თვისებები:

• ორგანიზებული
• დეტალებზე ორიენტირებული
• დროის ეფექტურად მართვის უნარი
• ანალიტიკური  და ლოგიკური აზროვნების უნარი
• ენერგიული
• რამდენიმე ამოცანაზე ერთდროულად მუშაობის უნარი
• პასუხისმგებლობის მაღალი გრძნობა
• ეფექტური კომუნიკაციის უნარი

დაინტერესებულმა კანდიდატებმა უნდა გამოაგზავნონ რეზიუმე მისამართზე hr@bdo.ge . გთხოვთ, Subject-ში მიუთითოთ აუდიტის ხარისხის მონიტორინგის უფროსი სპეციალისტი. განაცხადის მიღების ბოლო ვადაა 19.04.2021

გთხოვთ, გაითვალისწინოთ, რომ თქვენ მიერ ვაკანსიის/სტაჟირების ფარგლებში ჩვენთვის რეზიუმეს ან/და პერსონალური მონაცემების შემცველი სხვა დოკუმენტის წარდგენით ჩვენ და ჩვენთან აფილირებულ პირებს (დამფუძნებელი/შვილობილი კომპანიები) უფლებამოსილებას გვანიჭებთ განვახორციელოთ მოცემული ვაკანსიის ფარგლებში ჩვენთვის მოწოდებული (გადმოგზავნილი) რეზიუმეს ან/და პერსონალური მონაცემების შემცველი სხვა დოკუმენტის დამუშავება, მათ შორის ბაზაში შენახვა, არაუმეტეს მომდევნო წლის 31 დეკემბრამდე. აღნიშნულის მიზანია, სამომავლოდ, შესაბამისი ვაკანსიის არსებობის შემთხვევაში, გვქონდეს შესაძლებლობა განვიხილოთ თქვენი კანდიდატურაც. იმ შემთხვევაში, თუ თქვენი გზავნილი შეიცავს სხვის პერსონალურ მონაცემებს(აც) ასეთ შემთხვევაში, თქვენ გეკისრებათ საქართველოს კანონმდებლობით, მათ შორის პერსონალურ მონაცემთა დაცვის შესახებ კანონის მოთხოვნების უპირობა დაცვა. მნიშვნელოვანია, აცნობიერებდეთ, რომ უკანასკნელ შემთხვევაში, ინფორმაციის სუბიექტის ინფორმირება და მისგან სათანადო წესით მოპოვებული თანხმობის მოპოვების ვალდებულება ჩვენთვის მისი მონაცემების მოწოდებაზე გეკისრებათ თქვენ.

ჩვენ ვგმობთ და ვემიჯნებით ნებისმიერი სახის დისკრიმინაციას და სექსუალურ შევიწროვებას, როგორც წინასახელშეკრულებო (მათ შორის, ვაკანსიის შესახებ განცხადების გამოქვეყნებისას და შერჩევის ეტაპზე), ისე, შრომითი ურთიერთობის ფარგლებში. ვაღიარებთ პირთა მიმართ თანაბარი მოპყრობის პრინციპის და გვაქვს მოლოდინი, რომ ჩვენ მსგავსად, ემხრობით ნებისმიერი სახის დისკრიმინაციის  აკრძალვას, რასის, კანის ფერის, ენის, ეთნიკური და სოციალური კუთვნილების, ეროვნების, წარმოშობის, ქონებრივი ან წოდებრივი მდგომარეობის, საცხოვრებელი ადგილის, ასაკის, სქესის, სექსუალური ორიენტაციის, შეზღუდული შესაძლებლობის, რელიგიური, საზოგადოებრივი, პოლიტიკური ან სხვა გაერთიანებისადმი, მათ შორის, პროფესიული კავშირისადმი, კუთვნილების, ოჯახური მდგომარეობის, პოლიტიკური ან სხვა შეხედულების გამო ან სხვა ნიშნით.