გამოცდილი საკრედიტო ექსპერტი

 სს მისო „ქართული კრედიტი“ დაფუძნდა – 2006 წელს და მას შემდეგ წარმატებით  ფუნქციონირებს ქართულ ფინანსურ ბაზარზე. დღეისათვის „ქართული კრედიტი“ საქართველოს მასშტაბით არსებული 8 ფილიალის საშუალებით საფინანსო მომსახურებას სთავაზობს მიკრო და მცირე მეწარმეებს / საწარმოებს და საოჯახო მეურნეობებს.

სს მისო „ქართული კრედიტი“ აცხადებს ვაკანსიას შემდეგ თანამდებობაზე:

თანამდებობა: საკრედიტო ექსპერტი (გამოცდილი)

ადგილმდებარეობა:თბილისის ფილიალი.

რეზიუმეს გამოგზავნის ბოლო ვადა: 13 აპრილი, 2021 წელი.

ფუნქცია–მოვალეობები:

• ახალი კლიენტების მოძიება, მათთვის კომპანიის პროდუქტებისა და სერვისების შეთავაზება;
• აგრო-ბიზნეს სფეროების ანალიზი და მათი ფინანსური საჭიროების საკითხების განსაზღვრა, საკრედიტო განაცხადის მომზადება, კომიტეტზე წარდგენა;
• საკრედიტო პორტფელის ხარისხის მონიტორინგი, პრობლემური სესხების მართვა და შესრულებული სამუშაოს ანგარიშგება უშუალო ხელმძღვანელთან.

საკვალიფიკაციო მოთხოვნები:

• ბაკალავრის ან მაგისტრის ხარისხი ეკონომიკური, ფინანსების, ბიზნესის მართვის ან აგრო მიმართულების განხრით;
• ფინანსურ ორგანიზაციაში ბიზნეს ან/და აგრო დაკრედიტების მიმართულებით მუშაობის მინიმუმ 1 წლიანი გამოცდილება;
• რუსული ენის ცოდნა სასაუბრო დონეზე;
• საოფისე კომპიუტერული პროგრამების (MS Word, MS Excel)  მაღალ დონეზე ცოდნა;

აუცილებელი უნარები:

• დამარწმუნებელი კომუნიკაციისა და არგუმენტირების უნარი;
• სერვისზე ორიენტირებული;
• ანალიტიკური აზროვნების უნარი;
• ინიციატივის გამოჩენის უნარი;
• დროის მართვის უნარი;
• გუნდურად მუშაობის უნარი;
• საქმიანობის ორგანიზებისა და დაგეგმვის უნარი.

ჩვენ გთავაზობთ:

• ფიქსირებულ ხელფასს (გამომდინარე კანდიდატის გამოცდილებიდან) + ბონუსი;
• კორპორატიულ ნომერს სატელეფონო ლიმიტით;
• ჯანმრთელობის დაზღვევას და სხვა ბენეფიტებს გამოსაცდელი ვადის შემდეგ;
• კარიერულ განვითარების შესაძლებლობას მზარდ ორგანიზაციაში.

დაინტერესებულ პირებს გთხოვთ, გამოაგზავნეთ რეზიუმე (CV)  2021 წლის 13 აპრილის ჩათვლით  შემდეგ მისამართზე: vacancy@geocredit.ge   

შემდეგი ეტაპისთვის დავუკავშირდებით მხოლოდ გადარჩეულ კანდიდატებს არაუგვიანეს 2021 წლის 30 აპრილისა.

გთხოვთ, წერილის სათაურში (subject) მიუთითოთ პოზიციის სახელწოდება და სასურველი ფილიალი, წინააღმდეგ შემთხვევაში თქვენი კანდიდატურა არ განიხილება.

მიკროსაფინანსო ორგანიზაცია ქართულ კრედიტში თქვენს მიერ გამოგზავნილი რეზიუმე "პერსონალურ მონაცემთა დაცვის შესახებ" საქართველოს კანონის შესაბამისად, შესაძლოა შეიცავდეს პერსონალურ მონაცემებს, მათ შორის განსაკუთრებული კატეგორიის მონაცემებსაც. გაცნობებთ, რომ თქვენი პერსონალური მონაცემები ჩვენი მხრიდან დამუშავდება თქვენთან შრომითი ურთერთობის დამყარების შესახებ გადაწყვეტილების მიღებისთვის. ასევე, თქვენს მიერ გამოგზავნილი რეზიუმე შესაძლოა არ იქნას განხილული მოცემულ ვაკანსიაზე და დარეზერვებული იქნას სხვა რელევანტურ ვაკანსიაზე. იმ შემთხვევაში თუ ეთანხმებით ზემოთ აღნიშნულს, გთხოვთ გამოგვიგზავნოთ თქვენი რეზიუმე.