მარაგების მართვის სპეციალისტი/ანაზღაურებადი სტაჟირება

საერთაშორისო დამოუკიდებელ ბუღალტრულ და იურიდიულ კომპანიათა წამყვანი ჯგუფის MSI Global Alliance-ის წარმომადგენელი საქართველოში, აუდიტორული და ბუღალტრული კომპანია ფინანსური ოფისი, უკვე წლებია ქმნის კომფორტულ გარემოს ახალგაზრდა პროფესიონალების კარიერული წინსვლისთვის.

ფინანსური ოფისის მიზანია, საქართველოში რაც შეიძლება მეტ მცირე და საშუალო ზომის კომპანიას დაეხმაროს, რომ მათი აღრიცხვა-ანგარიშგება შეესაბამებოდეს საერთაშორისო სტანდარტებს და შესთავაზოს მათ მაღალტექნოლოგიური გადაწყვეტილებები როგორც ადგილობრივ, ისე საერთაშორისო ბაზარზე.

კომპანია ფინანსური ოფისი აცხადებს ანაზღაურებად სტაჟირებას მარაგების მართვის სპეციალისტის პოზიციაზე.

სტაჟირების პერიოდში პრაქტიკა:

• საწყობისა და მაღაზიების ქსელის ინვენტარიზაციაში ჩართულობა;
• სასაქონლო მატერიალური ფასეულობების და ძირითადი საშუალებების მარაგების კონტროლის პროცედურებში მონაწილეობა.
• ინვენტარიზაციის შედეგების დამუშავება და პროგრამული ასახვა;
• მარაგების მოძრაობის რეპორტის სტრუქტურის გაცნობა და მომზადებაში მონაწილეობა.
• საქონლის ბალანსზე აყვანის და კოდირების პროცედურების გაცნობა.

ძირითადი მოთხოვნები:

• ეკონომიკის/ბიზნესის/მათემატიკის მესამე-მეოთხე კურსის სტუდენტი
• ქართული ენა – სრულყოფილად, რუსული და ინგლისური ენები სასაუბრო დონეზე
• ექსელის კარგად ცოდნა
• საბუღალტრო პროგრამის ცოდნა (სასურველია პროგრამა FINA)
• გრაფიკი : ორშაბათი - პარასკევი 10:00 – 19:00.

ძირითადი უპირატესობები დასაქმების შემთხვევაში:

• საერთაშორისო აუდიტორულ კომპანიაში მუშაობის გამოცდილება
• გრძელვადიანი კარიერის დაგეგმვა
• პროგრესირებადი სახელფასო სისტემა
• სამუშაო განაკვეთში უნივერსიტეტის გრაფიკის შეთავსება

სტაჟირების პირობები: შერჩეული კანდიდატები გაივლიან 3 თვიან ანაზღაურებად სტაჟირებას მარაგების მართვის განყოფილებაში.

სტაჟირების პერიოდის წარმატებით გავლის შემთხვევაში მოხდება სტაჟიორის დასაქმება მარაგების მართვის სპეციალისტის პოზიციაზე.

დაინტერესებულმა კანდიდატებმა რეზიუმე/განაცხადის ფორმა ფოტოსურათთან ერთად უნდა გამოგზავნონ მისამართზე: hr@fino.ge გთხოვთ განცხადებაში მიუთითოთ ვაკანსიის დასახელება "სტაჟირება/მარაგების მართვის სპეციალისტი“, წინააღმდეგ შემთხვევაში თქვენი კანდიდატურა არ განიხილება.