შიდა კომუნიკაციებისა და HR პროექტების განყოფილების ხელმძღვანელი

    სს „ნიკორა ტრეიდი“ - ბაზარზე  მრავალრიცხოვანი ქსელით არის წარმოდგენილი, რომლის შემადგენლობაში შედის  „ნიკორა სუპერმარკეტის“ და „ლიბრეს“ სავაჭრო ობიექტები. ამ ეტაპისათვის კომპანია ფლობს 300-ზე მეტ სავაჭრო ფილიალს საქართველოს მასშტაბით და არის ერთ-ერთი სტაბილური დამსაქმებელი საქართველოს ბაზარზე.

კომპანიის მთავარი მიზანია - განვითარება, გაფართოებისკენ მუდმივი სწრაფვა, სიახლეების ათვისება,  სოციალური პასუხისმგებლობა, პარტნიორებთან გრძელვადიანი თანამშრომლობა და მომხმარებლის ერთგულების მოპოვება.  ჩვენი  გუნდი  6000-ზე მეტ  თანამშრომელს  აერთიანებს.

სს „ნიკორა ტრეიდი“ აცხადებს  ვაკანსიას შიდა კომუნიკაციებისა და HR პროექტების განყოფილების ხელმძღვანელის პოზიციაზე ქ. თბილისში. 

ძირითადი ფუნქცია-მოვალეობები:

• შიდა კომუნიკაციის სტრატეგიის შემუშავება და დანერგვა;
• დამსაქმებლის ბრენდის სტრატეგიის შემუშავება და დანერგვა;
• კომპანიის შიდა საკომუნიკაციო არხების განვითარებაზე ზრუნვა, შესაბამისი ღონისძიებების/პროექტების დაგეგმვა და მათი ეფექტურად გამოყენების მიზნით, რეკომენდაციების შემუშავება;
• თანამშრომლების მუდმივი ინფორმირება კომპანიაში მიმდინარე პროცესების, დაგეგმილი პროექტების და სიახლეების შესახებ;
• ნიკორა კარიერის  Facebook გვერდის სტრატეგიის შემუშავებასა და განხორციელებაში უშუალო ჩართულობა;
• თანამშრომელთა წამახალისებელი და სხვა სახის HR პროექტების ინიცირება, დაგეგმვა და განხორციელება;
• განხორციელებული პროექტების ეფექტურობის ანალიზი/შეფასება და ანგარიშგება;
• პროექტების სპეციფიკიდან გამომდინარე, სხვადასხვა კომპანიებთან მოლაპარაკების წარმართვა, შეთანხმება და პარტნიორული ურთიერთობის ჩამოყალიბება;
• პრესრელიზების და პრეზენტაციების მომზადება საჭიროების შესაბამისად;
• საჭიროებისამებრ, შიდა ორგანიზაციული კვლევების დაგეგმვა/ჩატარება;
• განყოფილების ბიუჯეტის გაწერა, ხარჯვის კონტროლი და უშუალო ხელმძღვანელთან  ყოველთვიური ანგარიშგება;
• უშუალო დაქვემდებარებაში მყოფ თანამშრომლებზე საქმიანობის დელეგირება და მათი შესრულების მართვა.

საკვალიფიკაციო მოთხოვნები:

• უმაღლესი განათლება საზოგადოებასთან ურთიერთობის, ადამიანური რესურსების მართვის ან მარკეტინგის მიმართულებით;
• მსგავს პოზიციაზე მუშაობის მინიმუმ  3 წლიანი გამოცდილება;
• HR პროექტების მართვის გამოცდილება;
• სასურველია სოც. მედიის (კარიერის/ვაკანსიების გვერდის) მართვის მიმართულებით მუშაობის გამოცდილება;
• MS Office-ის მაღალ დონეზე ცოდნა;
• გამართული წერითი და ზეპირი კომუნიკაცია.

პროფესიული უნარ-ჩვევები:

• შემოქმედებითი აზროვნების უნარი;
• ეფექტური კომუნიკაციის უნარი;
• ინფორმაციის სტრუქტურირების უნარი;
• თვითგანვითარების უნარი;
• საქმიანი პროტოკოლის კარგი ცოდნა;
• დროის ეფექტურად მართვის უნარი.

დაინტერესების შემთხვევაში გთხოვთ, გამოაგზავნოთ თქვენი რეზიუმე 2021 წლის 25 იანვრამდე შემდეგ მისამართზე jobs@nikoratrade.ge და სათაურის ველში მიუთითოთ ვაკანსიის დასახელება “შიდა კომუნიკაციებისა და HR პროექტების განყოფილების ხელმძღვანელი“.

აღნიშნულ ვაკანსიაზე მონაცემების გაგზავნით ადასტურებთ, რომ თანახმა ხართ, კომპანიამ “პერსონალურ მონაცემთა დაცვის შესახებ“ საქართველოს კანონის  ფარგლებში შეაგროვოს, დაამუშავოს და შეინახოს წარდგენილი ინფორმაცია (რეზიუმე) თქვენი დასაქმებისთვის საჭირო პროცედურების წარმართვის მიზნით. პერსონალური მონაცემები გამოყენებული იქნება მხოლოდ აღნიშნული მიზნისთვის და თქვენი თანხმობის გარეშე არ გადაეცემა მესამე პირს.

კომპანიის შესახებ დამატებითი ინფორმაციისათვის  ეწვიეთ ჩვენს გვერდს http://nikora.ge/

გისურვებთ წარმატებას!