საცალო ლიზინგის მენეჯერი

„საქართველოს სალიზინგო კომპანია“ აცხადებს ვაკანსიას საცალო ლიზინგის მენეჯერის პოზიციაზე თბილისში  ქვებრენდის - ტურბოს მიმართულებით: 

ლიზინგი დაფინანსების ერთ-ერთი ფორმაა, რაც გულისხმობს აქტივით სარგებლობის უფლებას წინასწარ განსაზღვრული ვადით და თანხის სანაცვლოდ. ლიზინგის ვადის გასვლის ბოლოს აქტივი გადადის კლიენტის საკუთრებაში. ტურბო საქართველოს სალიზინგო კომპანიის ქვებრენდია, რომლის პროდუქტსაც წარმოადგენს ავტოლიზინგი და ავტოლომბარდი. 

ტურბოს შესახებ დაწვრილებით ინფორმაციას შეგიძლიათ გაეცნოთ მისამართზე www.turbo.ge  

საცალო ლიზინგის მენეჯერის ძირითადი მოვალეობები: 

• მომხმარებლისთვის მაღალკვალიფიციური მომსახურების გაწევა: კონსულტაცია, ტურბოს პროდუქტის გაცნობა; 
• ლიზინგის განაცხადის მომზადება დადგენილი სტანდარტებით; 
• ლიზინგის ინიცირების, გაცემის და მონიტორინგის პროცესის ეფექტური მართვა. 

სავალდებულო  საკვალიფიკაციო  მოთხოვნები: 

• უმაღლესი განათლება; 
• მინიმუმ 6 თვიანი გამოცდილება კლიენტებთან ურთიერთობის სფეროში; უპირატესობა მიენიჭებათ საბანკო ან მიკროსაფინანსო ორგანიზაციაში მუშაობის გამოცდილების მქონე კანდიდატებს; 

აუცილებელი ცოდნა და უნარები: 

• ენების ცოდნა: ქართული სრულყოფილად, ინგლისური და რუსული ენის ცოდნა (Intermediate Level); 
• საოფისე პროგრამების პროფესიონალურ დონეზე ცოდნა (MS Excel, Word, Outlook, PowerPoint); 
• ანალიტიკური აზროვნება; 
• გაყიდვების და მოლაპარაკების წარმოების კარგად განვითარებული უნარები; 
• პასუხისმგებლობის გრძნობა; 
• ორგანიზებულობა და დროის მართვა. 

დაინტერესებულ კანდიდატებს გთხოვთ, გამოაგზავნოთ თქვენი რეზიუმე  ელექტრონული ფოსტით მისამართზე: glcjobs@leasing.ge არაუგვიანეს 2021  წლის 18 იანვრისა  გთხოვთ, სათაურის (‘Subject”) ველში მიუთითოთ ის თანამდებობა, რომელზეც აგზავნით განაცხადს.